Aleqap atornerluinera
Steen Lynge ima akiligassaqarsimavoq
AG-imi sapaatip akunnerani uani oqaluttuarineqarpoq Naalakkersuisuusimasuni ilaasortat sorliit nunatta karsianik ilaatigut atuisarsimanersut. Steen Lynge qanoq akiitsoqarsimanersoq takuuk
Allakkap puua kukkunersiuisut misissuinerannik taaneqartumik, allat nunatta karsianik akiitsorfittut atuisimanerannik takutitsisumik, imalik aningaaserivimmi toqqissilluni suli boksimiippoq. AG-li paasissutissanik takunnissinnaatitaanernik arlalissuarnik qinnuteqarsimavoq, paasisassaqassutaasunik.
Steen Lyngelu Aleqa Hammonditullu nunatta karsianik atuisarsimavoq.
Tamanna Namminersorlutik Oqartussat AG-mut akissutaani takuneqarsinnaavoq.
Steen Lynge kujataanut Danmarkimullu decembarimi 2013-imi 2014-imilu aasakkut atorfimminut atatillugu angalanerminut ilaquttani ilagereerlugit oktobarip tungaanut 49.327 koruuninik akiligassaqarsimavoq.
Atuaruk: Atassut: Steen Lynge tatigaarput
Aleqa Hammondip akiitsorsimaneranik suliap aallartinnissaata tungaanut inuttaa nammineq naalakkersuisoqarfilluunniit utertitsillulni akiliinissamik eqqumaffiginnissimagunanngillat, AG taama allappoq.
- Allaffissornermi kukkusoqarsimanerata kinguneranik Steen Lynge angalanernut taakkununnga marlunnut aatsaat oktobarip aallaqqaataani 2014-imi akiligassinneqarpoq. Akiligassat taakkua marluk oktobarip 2-ani 2014-imi akilerneqarput, Peqqissutsimut Attaveqarnermullu Naalakkersuisoqarfimmi inatsisilerinermut pisortaq Gitte Arvegaard AG-mut allappoq.
Atuaruk: Akiligassaqanngilanga
AG sapaatip akunnerani uani saqqummersoq uani pisiarisinnaavat