Skip to main content

Statsministerip tikilluaqqusereernerata kingorna ullut tallimat qaangiuttut soraarsinneqarpoq

Statsministeri Helle Thorning-Schmidt inuttut Nick Nielsenimut Folketingimut ilaasortaalerneranut tikilluaqqusereersoq Nuummi Siumup aqutsisoqarfianit soraarsinneqarpoq

Kalaallit Nunaata aningaasaqarnera Folketingimi oqallisigineqarmat statsministeri Helle Thorning-Schmidt, Socialdemokraterne, Nick Nielsenimukarpoq Folketingimi ilaasortaalerneranut tikilluaqqullugu. Taama pisoqareersoq Nick Nielsen ullut tallimat qaangiuttut Siumup qullersaqarfianit Folketingimi ilaasortaajunnaarsinneqarpoq. 

Naalakkersuisunut ilaasortaasoq Doris Jakobsen, aamma Siumumeersoq, Folketingimi ilaasortaaleqqissasoq Siumup qullersaqarfianit nalunaarutigineqarpoq marlunngormat.

Kalaallit Nunaata aningaasaqarnera pillugu Folketingimi oqallittoqarpoq sisamanngormat. Nick Nielsen Siumup aqutsisoqarfianit akuerineqartumik oqalugiarpoq. 

Folketingimi aamma Nunarput pillugu oqallittoqaqqippoq, tassani oqallinnissamut Nick Nielsen piareersimavallaarsimanngilaq. Allattugaateqarnani oqaluttarfimmi oqaluppoq, tamanna politikkerinit misilittagalinnit takuneqartaraluarpoq. 

Ineriartortitsinissamut ministeri Henrik Sass Larsen, Socialdemokraterne, Kalaallit Nunaannut aningaasaliissutissanik tunngasunik siunnersuuteqarpoq. 

Oqalugiaataa
Tassani Siumumi politikkeri piareersimanngilaq, taamaammallu Nunatsinnut sianeqqaartariaqarsimalluni oqaaseqalinnginnermini. 

- Kalaallit Nunaanni tassunga attuumassutilimmut naalakkersuisoqarfik attaveqarfigaara. Folketingimit siunnersuutigineqartoq pillugu aamma apeqquteqaateqarpunga Kalaallit Nunaanni Inatsisartuni suliarineqalinnginnerani. Ilisimatitsissutigisinnaavaralu: Siunnersuutigineqartoq Kalaallit Nunaanni aamma atuutilernissaa kissaatigaara, taamaallaat Kalaallit Nunaannut naleqqussarneqarnissaa kissaatigalugu, Nick Nielsen oqaluttarfimmit oqaaseqarpoq, nangillunilu:

- Namminersorlutik Oqartussanit suliffeqarfiutigineqartut maannamut assingusumik aningaasaliiffigineqartarnissaat siunnersuummut malunnaateqarput. Europamiut aningaasaateqarfiinik aningaasaateqarfiillu suliffeqarfiinik peqataatitsisoqannginnera Kalaallit Nunaat Europamit ineriartorfiusutut isigineqassaaq. Tamannalu pissutigisaanik aningaasaliiniarnikkut sunniuteqassaaq, erniammi anginerusussaapput, civilingeniørisut ilinniagaqarsimasoq 39-nik ukiulik Nick Nielsen oqaluttarfimmit oqarpoq. 

Inuit Ataqatigiinnit Johan Lund Olsen Nick Nielsenip oqaluttarfimmit oqaaseqannginnerani oqaatigaa inatsisissatut siunnersuutigineqartoq Inatsisartunit aatsaat akuerineqareerpat Folketingimi pingajussaa suliarineqarsinnaasoq.

Pituffik pillugu suliaq sooq Nick Nielsenip Folketingimi ilaasortaajunnaarneranut pissutaanersoq aviisimi AG-mi atuarneqarsinnaavoq. Aviisi ataani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER