Skip to main content

Statoil Barentshavetimi qillerinissaminut akuerineqarpoq

Nunarsuarmi qilleriffiit avannarlersaanni Statoil-ip qillerinissaminut akuerineqarnerata kingorna Greenpeace-p pinngortitaq allanngutsaalisaq ernumagilerpaa

Norskit ingerlatsiviat Statoil Barentshavetimi nunarsuarmi qilleriffiit avannarlersaanni qillerinissaminut akuerineqarpoq, suliniutip unitsinneqarnissaanik Greenpeace-p kajumissaarutaa Norgep tallimanngormat itigartereeraalu.
Marlunngormat ullaakkut Greenpeacemit akerliuniat Barentshavetimi qilleriviliamut, Issittumit 25 kilometeriinnarnik ungasissusilimmut ikipput, qillerinissaq unitsinniarliugu, tamannali iluaqutaanngilaq.
Issittumi avatangiisit qeqertarlu eqqissisimatitaq Bjørneøen uuliaarluernissamut illersorniarlugit Barentshavetimi uuliasiorluni qillerinissat unitsinnissaannik Greenpeacep kajumissaarutaanut inuit 125.000-t sinneqartut atsiorsimapput. Norgep avatangiisinut ministeriata Tine Sundtoftip atsiornerit tigujumasimanngilai.
– Alianarpoq Trine Sundtoft ullumikkut avatangiisinut ministeritut iliuuseqanngimmat, uppernarsaatit tusaaniarlugit Statoil-ip qillerineri avatangiisinik innarleerujussuarsinnaasut.
– Taarsiulluguli uuliasiornernut ulorianaateqartunut akuersissuteqarluni, Greenpeacemi suliniuteqarnermut pisortaq Sune Scheller tusagassiorfinnut nalunaarutikkut allappoq.
Taanna qallunaat qillerivimmi akerliuniaqataasut marluk aapparaa. Christian Uhlenfeldt gummibådimit iaannut ilaavoq, Sune Schellerilu Greenpeacep umiarsuaani Esperanza-miilluni.
Uuliasiorlutik qillerisut issittup sikuata aakkiartornera ilutigalugu avannarparaluttuinnarput, sumiiffinnut nutaanut manna tikillugu tikinneqarsinnaasimanngitsunut.
Norskit silap pissusianut avatangiisinullu ministereqarfianit oqaaseqartitap tallimanngormat Statioil-ip nalunaarutaa uppernarsarpaa, tassa Greenpeace-p suliniummik unitsitsinissamik kajumissaarutaa ingerlatsiviup itigartikkaa, qillerinissallu ingerlanneqassasut.
Amerikarmiut naliliinerat malillugu nunarsuarmi uuliap suli nassaarineqanngitsut 13 procentia gas-illu 30 procentiata missaaniittoq Issittumiissinnaavoq.
Akerliuniat isumaqarput uuliasiornikkut Bjørneøen eqqaani pinngortitaq allanngutsaaliugaq ulorianartorsiortinneqartoq.
Tamanna Statoil-ip ilumuunnginnerarpaa innersuussutigalugu uuliaarluernissamut ulorianartoqarnera annikitsuararsuusoq, Bjørneøen-illu eqqaani, 170 kilometerinik ungasinnerusumiittumi, uuliaarluersinnaaneq ilimanaateqannginnerusoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER