Sri Lanka: Qaartartumeerisoqarnerani qallunaat pingasut toqutaasut

Sri Lankami qaartartumeerisoqarnerani qallunaat pingasut toqutaapput. Nunanut Allanut Ministereqarfik taama paasissutissiivoq. Qanigisaasut paasitinneqarsimapput.

Allanik qallunaanik toqutaasoqarsimanersoq suli nalunaarutigineqanngilaq, Nunanut Allanut Ministereqarfik paasissutissiivoq.

- Qallunaanik allanik ajutoortoqarsimasinnaanera maannakkut ilisimanngilarput. Taamaammat ajunnginnerpaamik neriuteqarpugut, Nunanut Allanut Ministereqarfimmeersoq Ib Petersen oqarpoq.

Sri Lankami qaartartumeeraluni saassussinerit ministeriunerup Lars Løkke Rasmussenip alianartutut oqaatigaa.

- Assut aliasuutigaluguli anniaatigaara. Eqqugaasut qanoq misiginersut takorlooruminaappoq.

Inuit ikinnerpaamik 207-it – taakkunannga ikinnerpaamik nunanit allaniit 35-t – toqutaapput. Taassuma saniatigut ikinnerpaamik 450-it aqqunarneqarlutik.

Powered by Labrador CMS