Skip to main content

Sri Lankami qaartartumeerisoqarnerani qallunaat milliardærit meeqqatik pingasut annaavaat

Sri Lankami sapaatiummat qaartartumeerisoqarnerani Anders Holch Povlsenip meeqqani pingasut annaavai.

Sri Lankami sapaatiummat qaartartumeerisoqarnerit ilaqutariit meeqqatik pingasut annaavaat. Tamanna Bestsellerip, nutaarsiassaqartitsivinnut arlalinnut ilaatigut Ekstra Bladet-imut, TV2-mut aamma B.T-mut uppernarsarpaa.

Bestsellerimi attaveqatigiinnermut pisortaq Jesper Stubkier tusagassiorfinnut tamanut ima allappoq:

- Tamanna ajusaarnaqisumik uppernarsarsinnaavarput. Ilaqutariit eqqissisimatissagisi kissaatigaarput, allamillu oqaasissaqanngikkallarpugut.

46-nik ukiulik Anders Holch Povlsen nulialu Anne Holch Povlsen sisamanik meeraqarput – niviarsiaqqat pingasut nuappiararlu ataaseq.

Forbes-ip naatsorsuutigaa, taanna 50 milliarder koruunit sinnerlugit anigaasaateqassasoq. Tassa nunarsuarmi aningaasaateqarnerpaat allattorsimaffiini 252-iattut inissisimalluni.

Sri Lankami sapaatiummat qaartartumeerisoqarneri inui ikinnerpaamik 290-it toqutaapput. Qaartartumeerinit siulliit arfinillit ataatsikkupajaaq pipput akunnittarfiit pingasut oqaluffiillu pingasut qaartinneqarlutik.

Imminut toquutigalutik qaartartumeerisut arfineq-marluk

Sri Lankami toqusut timaannik misissuisartup nutaarsiassaqartitsivimmut AP-mut oqaatigaa, qaartartumeerinerni siullerni arfinilinni ikinnerpaamik inuit arfineq-marluk imminut toquutigalugit qaartartumeerisimasut.

Nunanut Allanut Ministereqarfiup uppernarsarsimavaa qallunaat pingasuit toqutaasut akornanniissimasut. 

Sapaatiummat arfinileriarluni qaartartumeerisoqarnerata kingorna marloriarluni qaartartumeerisoqaqqippoq. Ataaseq akunnittarfeeqqami najugaqarfillu ataaseq politiit misissungassaringaluat.

13-nit tigusarineqartut

Inuit 13-nit maannamut tigusarineqarsimapput. Politiit oqaaseqartartuat, Ruwan Gunasekara, naapertorlugu, tigusat ilagaat qaartartumeerisoqarfissanut biiliussisimasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER