Spiralilersuisimaneq pillugu Naalakkersuisut tusagassiortunik katersortitsilersut
Peqqissutsimut Naalakkersuisoq Mimi Karlsen aamma qallunaat peqqinnissamut ministeriat Magnus Heunicke, spiralilersuisimaneq pillugu tallimanngornermi nal. 17.30 tusagassiortunik katersortitsissapput.
Peqqissutsimut Naalakkersuisoq, Mimi Karlsen (IA) danskit peqqissutsimut ministeriat Magnus Heunicke (Soc.) peqatigalugu tusagassiortunik ullumi tallimanngornermi nal. 17.30 katersortititsinissamut qaaqqusivoq.
Naalakkersuisoq aamma ministeri spiralilersuisoqarsimaneranut tunngatillugu paasissutissiissapput. Spiralilersuisoqarsimaneranik paasissutissat upernaaq maanna saqqummiunneqarmata naalagaaffeqatigiit iluanni aalassattoqarpoq. Tusagassiortunik katersortitsinermi killiffik pillugu ilisimatitsisoqassaaq, tulliullugulu alloriarfissat aamma ilisimatitsissutigineqassallutik.
DR-ip tusarnaagassiortartui tusarnaagassianik podcastinik nangeqattaartunik upernaaq manna saqqummiussipput. Podcastini nassuiarneqarpoq arnat niviarsiaqqallu ukiukinnerpaatillugit 13-inik ukiullit, nakorsamukartinneqarsimasut spiralilertissasullu oqarfigineqarsimasut. Akuersissummik peqqaarnissaq eqqarsaatiginagu spiralilersuisimaneq 1960-ikkut qiteqqunnerannit 1970-ikkut qiteqqunnerata tungaanut ingerlasimavoq, arnallu 4.500-t pallillugit spiralilersinneqarsimallutik.
Peqqissutsimut ministeri tikeraartoq
Inatsisartut upernaakkut ataatsimiinneranni, spiralilersuisimaneq pillugu nalunaarusiortoqarnissaanik Naalakkersuisut aallartitsissasut, Inatsisartut aalajangiiffigisassatut siunnersuummik suliaqarput. Danskit peqqissutsimut ministeriat Magnus Heunicke ulluni makkunani Nuummiippoq, ilaatigullu spiralilersuisimaneq pillugu qulaajaasoqarnissaanut tunngatillugu peqqissutsimut naalakkersuisoq Mimi Karlsen ataatsimeeqatigisarlugu.
Peqqissutsimut ministeri Magnus Heunicke tusagassiutinut nalunaaruteqarluni suliaq imaannaanngitsuunerarlugu taasimavaa.
Eqqugaasut siunnersorneqarsinnaasut
Arlaannaannulluunniit attuumassuteqanngitsumik qulaajaasoqassasoq junimi nalunaarutigineqarpoq. Naalakkersuisoq ministerilu suliami killiffik alloriarfissallu ullumi saqqummiutissavaat.
Arnat nunatsinniittut Danmarkimiittullu, 1960-kkunni 70-kkunnilu spiralilersuisoqarnerani peqataatinneqarsimasut oqaloqateqarnissamik neqeroorfigineqarput. Arnat peqataatinneqarsimasut maanna nunatsinni najugaqartut Tusaanngamut 80 11 80-imut imaluunniit sms 18 99-imut, oqaloqateqarnissamik pisariaqartitsigunik saaffiginnissinnaapput.
Arnat spiralilersuisoqarnerani peqataatinneqarsimasut ilaat maanna Danmarkimut nuussimasinnaammata, Danmarkimi nakorsaminnut imaluunniit psykiatrifondens telefonrådgivningimut saaffiginnissinnaasut aamma nalunaarutigineqarpoq.
Spiralilersuisoqarsimaneranut tunngatillugu tusagassiortunik katersortitsisoqarnissaani Sermitsiaq.AG soorunami malinnaassaaq.
Læs hele sagen:
-
Staten tog min mødom
-
Spiral-kampagne var folkemord
-
Uhyggelig og skamfuld
-
Svært for regeringen at komme udenom spiral-sagen
-
Vi må afdække krænkelser af menneskerettigheder
-
Naalakkersuisut tager afstand fra Spiralkampagnen
-
Grønland bør selv stå for efterforskningen af spiral-sag
-
Start arbejdet med at udrede spiralkampagnen
-
Spiralilersuisarsimaneq pillugu nassuiaasoqarnissaanik suliaq aallartilli
-
Inatsisartut ønsker undersøgelse af spiralsag