Spirali naartunaveersaatitut: Innarligaanertut misinnarpoq

Arnat marluk 1970-ikkunni inuusuttuaraallutik nakorsamit spiralilerneqarnertik oqaluttuaraat. Angajoqqaavisa paasinngisaannarpaat.

- Annernaqaaq.

Taama tarnip pissusaanik ilinniarsimasoq Naja Lyberth aamma eqqumiitsuliortoq Buuti Pedersen assigiimmik oqarput.

Aviisi AG taama allappoq.

Arnat marluk siusissukkut spiralilerneqarput, illoqarfigisaminni Maniitsumi Qaqortumilu peroriartorfimminni nakorsaanerup pinaveersaartitsiniutaatut.

Taamaattumik misigisaqarpit?

AG-p arnat inuusuttuullutik assigusumik misigisaqarsimasut attaveqarfigerusuppai. Peqataarusukkuit attavigisinnaavat uunga inge@ag.gl

Naja Lyberthimut tamanna pivoq 1970-ikkut qiteqqunneranni ukiumoortumik atuartut nakorsamik misissorneqarnerannut atatillugu. 1962-ernisaavoq 14-15-inik ukioqarluni klassemi niviasiaraqatini peqatigalugit paasitinneqarluni aqaguani napparsimmaviliassasoq tassanilu spiralilersilluni.

- Misigaanga aalajangiisinnaananga. Tamatuma saniatigut ileqquusut malillugit pisortanik akerliliisoqarsinnaanngitsoq perorsagaavunga, Naja Lyberth ullumikkut oqarpoq.

Nipangiussineq paqumisunnerlu

Naja Lyberthip angajoqqaavisa innarliineq ilisimanngilaat.

Naapertorlugu angajoqqaavi isumasiorneqanngillat, akuersitinneqaratik, susoqarsimanersorlu paniata oqaluttuarinngisaannarpaa.

- Paqumigineqarpoq. Ataatama paarilluarpaatigut killilersuisaqaluni. Uannnillu killilersuinerulernissaa orniginngilluinnarpara. Qisuariarnissaa qunugaara, Naja Lyberth sooq innarligaanini angajoqqaaminut oqaluttuarsimanngikkini pillugu nassuiaavoq.

Naja Lyberthip oqaluttuaa taamatullu kikkut allat taama misigisaqarsimaneranik paasiniaanera pillugu aviisimi AG-mi atuarnerusinnaavutit. Aviisi AG uani ataani pissarsiarisinnaavat:

Powered by Labrador CMS