perorsaasunik amigaateqarneq

SP: Perorsaasunik amigaateqarnermut suna pissutaanersoq misissorneqarli

Aningaasarsiat tunngavigalugit qalleraannermut taarsiullugu, Namminersorlutik Oqartussat kommunillu ullukkut paaqqinnittarfinnut tunngasut, taakkunanilu ajornartorsiutaasut unamminartuusullu sukumiisumik misissuiffigeqqaartariaqarpaat, Sulisitsisut Peqatigiiffiat isummersorpoq

Selvstyret og kommunerne bør tage initiativ til en gennemgribende analyse af hele daginstitutionsområdet og de problemer og udfordringer på pædagogområdet, mener Grønland Erhverv

Ulluni makkuni perorsaasunik amigaateqarneq akissarsiaallu oqallisigineqangaatsiarput.

Sulisitsisut paasisinnaalluinnarpaat, sulisussarsiornerni ilinniarsimalluartunillu tigumminniinnarniarnermi aammalu sulisut suliaminnut tunniusimallutik sulerusussuseqarnissaannut aningaasarsiat pingaaruteqarmata.

- Kisiannili aningaasarsiat tunngavigalugit qalleraannermut taarsiullugu, Namminersorlutik Oqartussat kommunillu
ullukkut paaqqinnittarfinnut tunngasut, taakkunanilu ajornartorsiutaasut unamminartuusullu sukumiisumik misissuiffigeqqaartariaqarpaat, Sulisitsisut Peqatigiiffiat tusagassiuutinut nalunaarummi allappoq.

Atuaruk: Perorsaasut: Taamaammat ilinniartunik sulisoqarniarneq ajornartorsiutaavoq

Aaqqissut ujartorneqarli

Sulisitsisut Peqatigiiffiata erseqqissaatigaa, sammisami suna ajornartorsiutaanersoq politikerit ilisimasariaqaraluaraat.

- Politikerit nuimanerit qalleraatiinnavipput perorsaasunut tunissuteqarnissaminnut. Ullukkut paaqqinnittarfinni perorsaasunut aningaasarsiarititat naleqqussarneqartariaqarput, Siumut oqaluppoq, IAlu aamma isumaqarpoq, ajornartorsiornermi akissaatit inissisimaneri peqqutaasut. Kisiannili politikerit aaqqiissutissamik aaliangiussitinnatik ajornartorsiutip qanorpiaq ittuunera ilisimanerpaat?, Sulisitsisut Peqatigiiffiat aperivoq.

Atuaruk: Perorsaasut pillugit sakkortuumik oqallinneq sallunik tunngaveqartoq

Ajornartorsiutit misissorneqarlik

Sapaatip-akunnerani AG'mi saqqummersumi SIK'mi siulittaasoq Jess G. Berthelsen eqqarsarluaqqusivoq, Naalakkersuisut aningaasarsiat qaffassarlugit aallartitsiniarnerat pitinnagu, tamannami eqqarsarluarluni ingerlanneqassasoq kissaatiginarmat.
Jess G. Berthelsenillu naqissuserpaa, ullukkut paaqqinnittarfinni sulisunut ilinniarfiit naleqquttut suleqatigalugit pingaarnerpaajummata ilinniaqqinnissamut piginnaaninngorsaaqqinnissanullu periarfissiinissat.

Taamatut isummerneq Sulisitsisut Peqatigiiffianit qanimut misissoqquneqarpoq.

- Ilinniarluarsinnaanermi aammalu kajungernartumik tunngaveqartumik - siunissami isumalluutissatsinnik – meeqqanik sullissinissami nalinginnaasumik pingaarnerpaatut pisariaqartinneqarmata, sulisut ilinniarsimasut, Sulisitsisut Peqatigiiffiat erseqqissaavoq.

Allatut oqaatigalugu Sulisitsisut inaassutigerusuppaat, Namminersorlutik Oqartussat kommunit sulisullu suliniaqatigiiffiit tunuliaqutigisaat suleqatigalugit, aaqqissutissamik saqqummiussaqarnissaq pitinnagu, sukumiisumik unammillernartut suunersinik
misissuinissaat.

Aamma atuaruk: Nivi Olsen: Perorsaasut tikisitat nunaqavissullu assigiimmik atugaqassapput

Powered by Labrador CMS