Sorleq pingaarnerua? Peqqissuunissaq namminersulivinnissarluunniit
Peqqinnissaqarfik naalagaaffimmut uterteqqinneqarpat iluaqutaasussat ajoqutaasussallu suuppat
Atassutikkormiut apeqquteqaat aallaavigalugu oqallisissiassani Ukiakkut ataatsimiinnermi novembarip 19-ani oqaluuserineqartinnissaa iluatsissimavaat.
Partiip tunngavilersuutimini allassimavaa, peqqinnissaqarfipput artorsartoq.
- Ajoraluartumik qularnanngitsumillu allaat aamma inuit inuunerannik naleqartarsimassalluni, Atassut isumaqarpoq.
Kukkusimavugut
Peqqinnissaqarfimmik danskit naalagaaffiannit tigusisimanermut tunngatillugu, Atassummit oqaatigineqarpoq ”kukkusimavugut, immitsinnut artukkersimagutta iliuuseqartariaqarpugut”.
- Misilittagaqanngilagut oqartussaaffimmik naalagaaffimmut utertitsinermik. Tamaammallu isumaqarpugut uagut nunatsinni politikkeriusugut ammasumik eqqartortariaqaleripput suut pitsaaqutaasinnaanersut, suullu ajoqutaasinnaanersut oqallisigissallugit, nunatsinni peqqinnissaqarfik Danmarkimut utertsinneqassappat, taamatut tunngavilersuivoq, nangillunilu oqaatigalugu:
Akisussaaffimmik qimarratiginninnerunngitsoq
- Oqartoqassajunnarsivoq akisussaaffimmik qimarratiginninnerusoq utertitsiniaanermik oqariartuuteqaraanni. Nassuersinnaaneq qimarratiginninnerunngilaq, peqqinnissamik salliussineq qimarratiginninnerunngilaq. Oqartoqarsinnaavorli massakkutut ingerlaannarutta akisussaaffimmik pingaarnerpaamik qimarratiginninnerusoq.
Partiimi isumaqartoqarpoq, Partiet mener, at borgernes sundhed aldrig må ”nakimaatsuuneq kukkusimanermillu nassuerutiginnikkusunnginneq pissutigiinnarlugit” innuttaasut peqqissusaat tunulliunneqanngisaannassasoq.
Sorleq pingaarnerua?
- Namminiilivikkusukkaannilu suna pingaarnerua? Nuna tuaviinnaq namminiilivissimalluni innuttaasullu peqqiilliortut? Immaqaluunniit innuttaasut nukittuut peqqissullu nunaminni namminiilivinnissap tungaanut sulisut?, Atassummit apeqqutit taamak nipeqarput.