naleqqamit isornartorsiuineq
Sorleq pingaarnerua? Meeraq mittarfilluunniit?
Mittarfiliornissat inuulluarniutaasut ajornartorsiutit annertunerusut aaqqiivigereeraanni aatsaat suliarineqartariaqartut, Hans Enoksen isumaqarpoq
- Naalakkersuisooqatigiit inuiaqatigiinni suut naleqartinnerullugillu salliunneraat paasillugu tupaallannarpoq.
- Inatsisartuni meeqqat atualinnginnerminni perorsaanikkut inerikkiartuutaasinnaasumik iliuuseqartoqartariaqarnera pillugu oqallinnermi, naalakkersuisooqatigiit inatsisartut oqaaseqaatissaattut siunnersuut Naalakkersuisunut itigartikkaat paasinarsivoq. Meeqqerivinnik taavalu atuartitaanikkut inerikkiartuutaasumik sullinneqarnissaat akissaqartinnginnerarlugu oqaluttut.
Atuaruk: Qaasuitsup Kommuniata meeqqat pisinnaatitaaffii unioqqutippai
MIO-mi meeqqat illersuisuata uparuariigaatut meeqqat atugaat illersorneqarsinnaanngitsulluunniit, mittarfinnik nutaanik takisuunik 2 milliardit koruunit tungaanut aningaasartuutaasussanut soqutiginnittoqarnera Partii Naleqqamit tupigusuutigineqarpoq.
- Sorleq pingaarnerua? Meeqqat atugarliortut imaluunniit pisortat akiligaannik angalasut aningaasaliiffigalugit, Enoksen aperivoq, Nuummut angalasartut politikerit atorfilittallu taakkartorlugit.
Meeqqat illersuisuata isornartorsiuneranut Sermitsiaq.AG-mit aallaaserisat uani atuakkit