Skip to main content

Sorlak: Nivi Olsen salluvoq

Meeqqanut inuusuttunullu siunnersuisooqatigiiffiup siulittaasuata ilinniartitaanermut naalakkersuisoq sallunerarpaa

Apriilip qaammataata naanerani ilinniartitaanermut naalakkeruisoq Nivi Olsen, Sorlak aningaasanik atornerluisimasutut qaammatit sisamat matuma siorna politiinut nalunaarutigisimallugu KNR-imut oqaluttuarpoq. Matumani tips aamma lottomit tapiissutit meeqqanut inuusuttunullu atorneqartussat allaffissornermut amigartoorutinut atorneqarsimammata.

Politiinulli tunniussisimaneq Sorlammi siulittaasup ilumuunnginnerarpaa, tusagassiuutinullu nalunaarummini akissuteqarfigalugu.

- Nivi Olsen Inatsisartunut qinigaanngikkallarmali Sorlak politiinut tunniunneqarnikuuvoq. Taamaattumik politiinut tunniussilluni oqarnera eqqunngilaq, Sorlammi siulittaasoq Paninnguaq M. Kruse tusagassiutinut nalunaaruteqarpoq.

Siulersuisuunikut pisuusut
Meeqqanut inuusuttunullu siunnersuisooqatigiiffiup Sorlaap maannakkut aningaasanik inissisimanerlunneranut, maannakkut siulersuisuusut siulersuisuusimasut pisuunerarpaat.

- Sorlammi maanna ingerlatsisut siulerisamik aningaasatigut aqutsinerliorsimanerujussuisa kingunerisaanik aningaasatigut atugarliortitaapput, Paninnguaq M. Kruse oqarpoq.

Kultureqarnermut naalakkersuisoq Nivi Olsen, Sorlammi aningaasanik aqutsinerliortoqarneranik oqaaseqarnera siunnersuisooqatigiiffimmit akuersaarneqanngilaq.

- Maanna Sorlammi siulersuusut ulluinnarnilu aqutsisut inatsisit malillugit peqatigiiffilerinermik kattuffilerinermillu ingerlatsipput, Sorlammi siulittaasoq Paninnguaq M. Kruse erseqqissaavoq.

Taamaattorli Sorlak suleqatiserinnilluni naggasiivoq.

- Pisuuteqattaarnerli aqqutissaanngimmat, Sorlaap ilaasortani sinnerlugit, Naalakkersuinermik ingerlataqartut Namminersorlutik Oqartussallu siunissaq eqqarsaatigalugu suleqatiserai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER