Soraarnerusutisiaqalersussat akissutissarserusuttut
PFA Pensionip maanna kalaallit ilaasortat naapittussanngorpai nassuiaallugit siorna PFA Soraarnerup taamaatinnerani suut pitsaaqutaanersut.
- Pakatsillungalu kamassimavunga.
Taamak oqarpoq ulluinnarni Namminersorlutik Oqartussani immikkoortortami pisortatut atorfilik Erla Vinther.
Aviisi AG taama allappoq.
Pakatsineranut peqqutaavoq soraarnerussutisiaqarnissamut ileqqaagaasa januaarimi 2018-imi PFA Soraarnermiit Danmarkimi PFA Pensionimut nuunneqarnerat.
Paasiuminaatsoq
Erla Vinther naapertorlugu ilaasortanut paasiuminaappoq tamanna soraarnerussutisinissamut ileqqaakkanut suut kingunerinerai sunillu kinguneqarsimanersoq Kalaallit Nunaanni soraarnerussutisiaqarnissamut aningaasaateqarfik PFA Soraarneq atorunnaarsinneqarmat.
Taamaattumik PFA Pensionip ilaasortanik ataatsimeeqateqarnissaa suliniutigaa. Ataatsimiinneq apriilip 8-ani Hotel Hans Egedemi ualikkut pissaaq. Tassani soqutiginnittut PFA Pensionimit atuisunut pisortamut Lis Haslingimut apeqquteqarsinnaapput.
Suliniut AK-p taperserpaa
Atorfillit Kattuffiata (AK) paasissutissiilluni ataatsimiisitsinissaq ilassilluarpaa.
- PFA Pensionimik ataatsimeeqateqarnissaq iluassaqaaq. Neriulluarpugut ataatsimiinnermi soraarnerussutisinissamut aaqqissuussineq toqqissisimalersitsiumaartoq, isumaqaratta ilaasortatsinnut tamanna pitsaanerpaassasoq, AK-mi siulittaasoq Dina Olsen oqarpoq.
Ajuusaarutigaa ilaasortarpassui isumaqarmata PFA Soraarnerup taamaatinnera pillugu naammattumik paasissutissiisoqarsimanngitsoq.
Allaaserisaq tamaat aviisimi AG-mi atuarsinnaavat – aviisi uani ataani pissarsiarisinnaavat: