Skip to main content

Soraarnerussutisiaqalernissamut katersat: Tamanut ammasumik paasissutissiisoqassaaq

Aningaasaqarnermut Akileraartarnermullu Ataatsimiititaliap pinngitsoorani soraarnerussutisiaqalernissamut katersinissamut aaqqissuussineq pillugu tamanut ammasumik Vittus Qujaukitsoq isumasioqatigineqassaaq

Soraarnerussutisiaqalernissamut katersinissamut aaqqissuussineq pillugu tamanut ammasumik isumasioqatigiinnermi aaqqiiniarnermut suut ajornartorsiutaasimanersut Vittus Qujaukitsoq (NQ) nassuiaassaaq.

- Aningaasaqarnermut Aatsitassanullu Naalakkersuisoq tamanut ammasumik siunersiorneqarnissamut Aningaasaqarnermut Akileraartarnermullu Ataatsimiititaliamit aggersarneqarpoq. Tamanut ammasumik siunersiuineq pinngitsoorani soraarnerussutisiaqalernissamut katersinissamut aaqqissuussinermut akilersuisitsinerup aqunneqarnerani Naalakkersuisut maannamut misilittagariligaannut tunngassuteqassaaq, nalunaaruteqartoqarpoq. Ataatsimiititaliaq isumaqatigiittoq qaaqqusisuusoq ataatsimiitialiami siulittaasoq Hermann Berthelsen Sermitsiaq.AG-mut ilisimatitisivoq.

Tamanut ammasumik siunersiuineq pissaaq ataasinngornermi ulloq 27. januar 2020, nal. 15.00. 

Siullerpaaq

Ataatsimiititaliap nammineerluni aalajangiineratigut siunersiuineq tamanut ammasumik imaluunniit matoqqasumik siunersiuinertut ingerlanneqarsinnaavoq. Manna tikillugu Inatsisartut ataatsimiititaliaasa siunersiuisarneri matoqqasumik, tassalu tamanit najuuffigineqarsinnaanngitsumik ingerlanneqartarsimapput. 

Naalakkersuisup isumasioqatigineqarnissaa illuatungiliuttunit tallimanngormat piumasarineqarpoq. 

Siunersiuinermut najuussinnaassagaanni inissamik inniminneereernissaq pisariaqarpoq. Tusarnaariartut siunersiuinissaq kingusinnerpaamik minutsinik 15-inik sioqqullugu Inatsisartut saaffiginnittarfiannut apuutereersimassapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER