Skip to main content

Soraarnerup Nunaminerals aningaasarpassuarnik annaasaqaatigilerpaa

Nakorsap soraarnerup aningaasat 150.000 koruunit ileqqaakkani annaalerunarpai. Nunamineralsimi imaassinnaasoq naleerutsinneqartoq

Namminersorlutik Oqartussanit ilaannakuusumik pigineqartoq, Nunaminerals, aningaasaqarnikkut ajornartorsiorpoq. 

Aningaasaliinianit suliffeqarfik soqutigineqarunnaariartorpoq, Nunamineralsili aningaasaliisussanik suli ujarlertuarsinnarpoq. 

Nunaminerals 2014-mi 85 million koruuninik amigartooruteqarnissaa naatsorsuutigineqarpoq. 

Suliffeqarfik naleerutsinneqarnissaa immikkut ittumik ataatsimeersuarnermi siunnersuutigineqarpoq, kiisalu Københavnimi fondsbørsemi aamma ilaasortaajunnaarnissaa siunnersuutigineqarluni. 

Taamatut pisoqassappat aningaasaliisut kiisalu inuinnaat aamma aningaasaleeqataanikut aningaasaliissutaat naleerutsinneqassapput. 

150.000 koruunit ileqqaakkat
Akileeqataanikut ilaat aviisimit Politikenimit oqaloqatigineqarput. Mette Marie Andersen Nunamineralsip aktiaataanik 2007-mi pisivoq. Nunamineralsip siunissami ingerlalluarnissaa naatsorsuutigalugu nakorsap soraarnerup aktianik pisilluni. 

Taamatulli aalajangernera pitsaavallaanngilaq maannakkut takussagaanni. 

Nunamineralsip aningaasarliornerani Mette Marie Andersen aningaasanik tapersiivoq. Maannakkut 150.000 koruunit ileqqaarsimasani annaalerunarpai.

- Aningaasaliinera lottornertut pokerernertulluunniit isigaara. Aningaasanik annaasaqarsinnaanera ilisimaarivara. Inatsisit malillugit ingerlatsisoqassasoq naatsorsuutigaara, maannakkullu takusakka malillugit taamatut ingerlatsisoqanngilaq, Mette Marie Andersen Politikenimut oqarpoq. 

Nunamineralsimut aningaasaleereernerpit kingorna aamma aningaasanik annaasaqalerpit? Taamaassappat tusarfigerusuppatsigit. Mailimut redaktion@sermitsiaq.ag-mut allannissannut tikilluaqqusaavutit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER