Skip to main content

Sooq Danmarkip affai pisassavai

Kalaallit Nunaat aatsitassarsiornikkut sinneqartooruteqarujussuassappat inatsit naapertorlugu aningaasat ilarpassui Danmarkip pissavai. Tamannali naapertuilluarnerua? Qineqqusaarnerup ulluani siullermi sammineqartussarpassuit tamanna ilagaat.

Qineqqusaarneq aallartippoq. Nalunaajaatilli suut apriilip arfernata tungaanut politikerit innuttaasunut ussassaarutiginiarpaat?

Pingaaruteqarluinnartorlu – neriorsuutaat upperisinnaavavut? Naluneqanngitsutut qinigassanngortinnerup assigiinnarpaa aalakoorneq asannilersimanerluunniit. Uummat qarasarlu tamatigut ingerlaqatigiinneq ajorput.

Sapaatip-akunnerini tulliuttuni tallimani samminiarneqartut paasiniarnissaannut Inatsisartut Inatsisartut Nuummi sapaatip-akunnerani kingullermi oqallinnerat aallartiffissaalluarpoq. Qinersinissap suaarutigineqarneranut atatillugu oqallinnermi partiit pingaartinniagaat saqqummerput, pingaartinneqarnerpaallu – tamarmik isumaqatigisaattut – ilagaat aatsitassat.

Qularnanngitsumilli oqallinnermi tamatumani pineqaannassanngilaq uranimut angerneq naaggaarnerluunniit, aammattaarli oqallinnerit amerlanersaanni tamatigut naggataatigut pineqartartut: Aningaasat.

Imaluunniit sunniiniarnermi siunnersortaasartup spin-doktorip tusaamasap qanga Bill Clintonimut oqarneratut, taassuma qinersinermi qanoq ililluni ajugaassanerluni nalornissutigilermagu:

– It´s the economy, stupid!

Iluanaarutit avinneqartassapput

Naleqqap arlaleriarluni takutittarsimavaa innuttaasut pingaartitaannik takunnillaqqissuulluni. Ersaripporlu tamatumuuna sammisassaq tamanna samminiaraa, tassa Kuannersuarni suliniummut akerliuutigaluni tamannalu peqatigalugu qallunaat naalagaaffiat saassutaralugu.

Jens Napaattooq issuassavarput, taanna Inatsisartut ataatsimiittarfiannit sammisaq tamanna Kim Kielsenimut, Erik Jensenimut Aleqa Hammondimullu saqqummiummagu, taakkua arlaannaannilluunniit ersarissumik akineqarani:

– Aningaasarsiorneq siuarsassavarput, amerlasuullu aatsitassarsiorneq aningaasarsiorfigerusuppaat. Isertitalli affaat Danmarkip pisassavai, aaqqissuussinerlu tamanna allanngortinneqartariaqarpoq, taanna oqarpoq namminersornermut inatsit 2009-meersoq innersuussutigalugu.

Allaaserineqartoq aviisimi AG-mi tamakkisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER