Skip to main content

Søren Espersen: Danmarkimi uummammit pisumik tikilluaqqusaavusi!

Dansk Folkepartiimi ilaasortaq Søren Espersen kalaallit politikerii sakkortuumik isornartorsioqqippai

- Siunissaq soqanngitsoq inuunermik isumannaatsumik toqqissisimanartumillu taarserneqarsinnaagallartillugu Qimagunniaritsi.

Dansk Folkepartiiminngaanneersoq Søren Espersen, Kalaallit Nunaanut Naalagaaffeqatigiinnermullu partiimi oqaaseqartoq aviisimi Sermitsiami, tallimanngormat saqqummertumi, allappoq.

- Kalaallit Nunaannit Danmarkimut qimarranneq ingerlasuleruttorpoq. Ukioq kingulliinnaq nutserarnerup kinguneranik tuusintit affaasa Kalaallit Nunaat inuulluaqquaat Danmarkimilu nutaamik isumannaatsumillu inuuneqalernissaq ilassillugu. Mannalu kalaallinut tamanut siunissamut isumakuluuteqartunut qaaqqusissutali: Danmarkip naalagaaffianut innuttaassuseqarpusi qallunaatut passeqarlusi. Uagut qallunaat ilissi nunaqqatitsitut isigaassi, taamattutullu Danmarkimi tamassi uummammit pisumik tikilluaqqusaavusi, taanna erseqqissaavoq.

Naak aaqqissuusseqqinnerit?

Og Søren Espersen sender ny stikpille til de grønlandske politikere:

- Pissutsini amiilajummernartuni taakkunani ilimagineqarsinnaasariaqaraluarpoq Kalaallit Nunaanni Naalakkersuisut Inatsisartullu aaqqissuusseqqinnernik malunnaateqarluartunik piareersaallutik ulapputeqassasut, pingaartumik ilinniartitaanerup ajorluinnartup iluani kiisalu inuussutissarsiutitigut aaqqissuusseqqinnerit pineqartillugit. Kisianni – naamik. Kalaallit Nunaanni politikerit suliassanut pikkunaatsunut nunamut tunngasunut tamakkununnga piffissaqanngillat. 

Politikerit soqutigisaqanngillat

Taassuma oqaatigaa, kalaallit politikerii, 'immap qulaallugit qaatsiarlutik ingerlaqqiinnarput, pissusiviusunillu soqutigisaqarpasigatik'.

- Immap qulaallugit qaatsiarlutik ingerlaqqiinnarput, pissusiviusunillu soqutigisaqarpasigatik, Kalaallit Nunaata namminiilivissimasup inuuniarnikkut atugarissaarnikkullu innuttaasunut kingunipilussai amiilaarnartut suussanersut nipangiusimaannaramikkit. Qeqertamit sumiginnagaasumit tassannga avammut nutserarneq oqaatigineqareersoq tunngavigalugu aarlerisaarutit tamarmik tutsiuttariaqaraluarput, pissaanilittaasunilli tusaaneqanngillat, Søren Espersen oqarpoq.

- Namminiilivinnissaq piviusunngortinneqarpat inuiannut kalaallinut amiilaarnartuut suut atuutilerumaarnerat eqqarsaatigisinnaanngilaraluunniit. Taamaattumillu atugarliortunut inunnullu meeqqaminnut pitsaanerpaamik kissaateqartunut siunnersuutigiumasara imaappoq. Qimagunniaritsi! Siunissaq soqanngitsoq Danmarkimi nunaqqatissi akornanni inuunermik isumannaatsumik toqqissisimanartumillu taarserneqarsinnaagallartillugu Danmarkiliarniaritsi, Søren Espersen oqarpoq.

Søren Espersenip  oqallissaarusiatut ilanngussaa, Sermitsiaq aviisimi tallimanngormat saqqummertumi tamakkerlugu atuaruk: Aviisi uani pisiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER