Snowboardertarneq ersarinnerulersinniaraat

Snowboardertartut Arctic Winter Gamesimut piareersaleruttorput. Nukappiaqqat unammiuaarnermut peqataasussat Sisimiuni sungiusarput, tallimanngorpallu Nuummut ingerlaqqissapput.

Nukappiaqqat unammiaarnermi sungiusaasuat, Mogens Olsen, kalaallit pikkorissusaat ukiut tamaasa qaffattartoq.

Atuaruk: Sulorartartut ilimagineqarnertik naammassiniarsariniarpaat

Pikkorissiartuinnartut
- Arctic Winter Gamesertoqarnerani timersuuterput ersarissisinniarparput, peqataasussallu unammiuaarnerit najukkami ingerlanneqalermata pissanganerupput, Mogens Olsen Sermitsiaq.AG-mut oqarpoq.

- Snowboaedertartut pikkorissusaat qaffattorujussuuvoq. Nunanit tamalaanit takusaminnik ilaarsiniartarput. Oqaatigeqqissaarsinnaanngilara medaaliat qassit pissarsiariniassanerlutigit, kisianni qularutiginngilluinnarpara peqataasut pisinnaasatik tamaasa Nuummi takutissagaat, Mogens Olsen nassuiaavoq.

Atuaruk: Arctic Winter Games angerlarsimaffinnit sofamit malinnaaffigiuk

Medaaliannassinnaasut
Peqataasut Sisimiuni nammineq rampeliorsimapput meterinik marlunnik takissusilimmik, sungiusarluarumallutillu 'slide'-mik pisisimapput.

Jonas Strømsted sungiusaasup Arctic Winter Gamesimi unammilluartussatut ilimagisani erseqqissaatigaa.

- Taanna inersimasuni ajugaalluni unammeqataasareerpoq. Ullugissaartillunilu arlalinnik medaaliannannissaminut periarfissaqarpoq, Mogens Olsen oqarpoq.

Atuaruk: Sangusaartartut aputeqarluarnissaat neriuutigaat