SMS-ikkut kiffartuussiniarneq ajornartorsiutigineqartoq
Nuummi innuttaasut mittarfiliornrmi qaartitsisoqarnissaa pillugu oqarasuaatikkut nalunaaruterpassuarnik tigusaqarsinnaapput. Tamatumunnga pissutaavoq Kalaallit Airportsimi SMS-ikkut kiffartuussiniarnerminni ajornartorsiuteqarnerat.
Kalaallit Airports mittarfiliornermi qaartitsinissaq pillugu Nuummi innuttaasunut SMS-ikkut kiffartuussinermi ajornartorsiuteqarpoq.
Matumani pineqarpoq Nuummi innuttaasut qaartitsisoqarnissaa minutsinik 30-nik sioqqullugu SMS-ikkut nalunaarfigineqarsinnaanerat.
SMS-ikkut kiffaartuussinermi attaveqaatit naatsorsuutiginngisamik allanngortinneqarsimanerat pissutigalugu nalunaaruteqarniarnermi maannakkorpiaq ajornartorsiuteqartoqarpoq, Kalaallit Airports Sermitsiaq.AG-mut ilisimatitsivoq.
Ajornartorsiutip atuunnerani piffissap ilaani SMS-ikkut nalunaaruteqartoqarsinnaasanngilaq, ajornartorsiummillu aaqqiiniarnermi IT-kkut ajutoortoqarneratigut, SMS-ikkut nalunaarfigineqartarnissamik nalunaaruteqarsimasut nalunaarummik ataatsimik arlaleriarlutik pissarsisinnaapput.
SMS-ikkut kiffartuussineq maanna matuneqarallarsimavoq, SMS-illi arlallit atortorissaarummut tunniunneqareersimammata, nalunaarumik suli pissarsisoqarsinnaavoq- naak nalunaarfigineqaqqinnginnissamik piumasaqareersimagaluarni.
Kalaallit Airportsimi attaveqaqatiittarnermut pisortap Malene Lyngep tamanna innuttaasunut ajuusaarutigaa.
- Isertuutissnngilarput maani ajuusaartoqarmat, ajoquserneqartartunullu tamanut ajuusaarpugut. Tamatuma peqqinnginnissaa anguniarlugu sapinngisatsinnik tamaviaarluta iliuuseqarniarsarissaagut, taanna oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...