Skip to main content

Small Time Giants Qaqortumiissapput

Angakkuartoqassaaq, nipilersortoqarluni arsaattoqarlunilu inuiattut ullorsiorneq tallimanngornermi Qaqortumi nalliussineqalerpat

Rockimik nipilersortartut Small Time Giants illoqarfimmut angerlarsimaffimminnut tikeraassapput tallimanngornermi inuiattut ullorsiorneq nalliussineqarpat. Qaqortup illoqarfiata qeqqani sisamanngornermi tallimanngornermilu nipilersussapput.

Arsaaffimmi ivigaaraasalimmi meeqqat arsaallutik unammersuarnerat kujataani klubbinit peqataaffigineqartoq aallartippoq. Unamminerit sisamanngornermi aallartipput ammaanersiornerlu malunnartinniarlugu sisamanngornermi ualikkut nalunaaqutaq sisamanut illoqarfiup qeqqani aaqqissuisoqassaaq. Tassani Small Time Giants nipilersussapput aammalu tassaneqqissaaq inuiattut ullorsiorneq tallimanngornermi nalliussineqarpat nipilersoqqikkumaarlutik.

Qallunaaq angakkuartartoq Birger Vest ulluni makkunani Qaqortumi tikeraartoq aamma anguakkuarluni inuiattut ullorsiornermi takutitsissaaq.

Timersoqatigiiffik K-33 ukiunik 80-nngortorsiornerminik malunnartitsiniarluni nalliuttorsiorpoq assinillu katersugaasivimmi saqqummersitsilluni. Illoqarfiup aamma sisoraatinik oqilaniuttartui QSP-meersut Tasersuaq kaajallallugu appatsitsillutillu pisuttuartitsiniarput. Taanna ileqqoq ukiorpassuarni pisarsimavoq pingaartumik savaatillit Qaqortumi katerisimaarnerisa nalaani.

Tallimanngornermi nalliuttorsiualaarnerit inersimasunut timersortarfimmi unnukkut ingerlaqqissapput iserneq 20 kroneqassalluni nipilersortunik aliikkusersuisunillu isiginnaariarumasunut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER