nipilersorneq

Small Time Giants Nuummi akeqanngitsumik tusarnaartitsissapput

Nuummi inuusuttut unnugu akeqanngitsumik Small Time Giantsikkut tusarnaarsinnaassavaat

Small Time Giants ullumi Nuummi inuusuttut meeqqallu akeqanngitsumik tusarnaartissavaat.

Tusanaartitsineq nal. 20.00 NUIF-mi pissaaq. Nipilersoqatigiit tusagassiuutinut nalunaarummi allapput.

Ukioq kingulleq DR-p Juullimut Inuulluaqqussutaanut atatillugu Small Times Giantsikkut nutaamik juullerpaluttumik nutaamik atuipput. Nipilersuullu maanna 'Angerlarlanga', angerlarpoq.

- Nipilersuut juullerpaluttoq "Angerlarlanga", Nunatsinni juullisiorusunnermik imaqartoq, ukioq kingulleq saqqummersipparput. Massakkut juulleqqilerpoq, nipilersuullu tusarnaartartunut tunngatinneqartunut kiisami appisimaarsinnaalerparput, nipilersoqatigiinni erinarsortoq Miki Jensen tusagassiuutinut nalunaarummi allappoq.

- Taamaammat Nuummi inuusuttut meeqqallu tamaasa NUIF-imi akeqanngitsumik tusarnaartitsinissamut aggersarusuppagut. Illoqarfimmi inuussuttunut meeqqanullu uatsinniik juullimi tunissutaavoq.

Decembarip qaammataanni filmi piviusulersaarusiaq "STG" Ekko Shortlist Awardsimi Bedste Dokumentar-itut nersornaatisivoq.
Piviusulersaarut Small Time Giantsikkut Nunatsinni iluatsitsisimanertik nunarsuup sinneranut misileeriarnerinik imaqarluni.

Small Time Giantsikkut Nuummi inersimasunut aamma tusarnaartitsissapput. Tusarnaartitsineq taanna tallimanngornermi ulloq 29. december Manhattannimi pissaaq.

Powered by Labrador CMS