Små gryder Kalaallit Nunaanni meeqqat tusaaniarneqarput
Angajoqqaat akisussaassuseqarnerannik UNICEF-ip paasisitsiniaanerata uuttortarneqarnerata takutippaa meeqqat angajoqqaaminnik imminnut samminitsiniarnerat iluatsilluarsimasoq, taamatut allappoq UNICEF
Nakuusap paasisitsiniaanera "Suli Anaanamik! Suli Ataatamik!" iluatsilluarsimavoq, taamatut arfininngormat allappoq nunarsuarmi meeqqanik suliniaqatigiiffiit annersaat FN-ip ataaniittoq UNICEF.
– Kalaallit angajoqqaat 94 procentiisa paasisitsiniaaneq "Suli Anaanamik! Suli Ataatamik!" ilisimavaat, taannalu 2012-imi oktobarimiilli ingerlanneqarsimavoq sammitinneqarluni Kalaallit Nunaanni angajoqqaat akisussaassuseqarnerat. Angajoqqaat 62 procentii oqarput paasisitsiniaanermi nalunaajaatit allaat paasitisimagaatik qitornaminnut attaveqarnermik eqqarsaatiginissaanik. Tamanna uuttortaanerup takutippaa, UNICEF Danmark-ip aamma Namminersorlutik Oqartussat, paasisitsiniaanerup sunniutaanik naliliinerminnut atatillugu ingerlassimasaanni, taamatut UNICEF nittartakkamini unicef.dk-mi allappoq.
UNICEF Danmark-imi generalsekretæri Steen M. Andersen tulluusimaarpoq.
- Nalusimanngilarput kalaallit meerartaasa nalunaajaataannik angusarissaarsimalluta, taamali amerlatigisut angusimagatsigit nuanneqaaq! Tamanna Kalaallit Nunaanni tamarmi meeqqat inuusuttullu atugarisaasa pitsaanerulernissaannik neriunartoqartitsilerpoq, UNICEF Danmark-ip generalsekretæria Steen M. Andersen oqarpoq.
Isumaginninnermut ministeri inuulluaqqusivoq
- Kalaallit Nunaat, ullumikkut meeqqanik nalliussisoq, pitsaanerpaamik inuulluaqquvara. Paasisitsiniaanikkut "Suli Anaanamik. Suli Ataatamik" sammitinneqarsimavoq kalaallit meerartaasa angajoqqaaminnit tapersersorneqarnerunissartik kissaatigigaat. Isumaqarpunga angjoqqaat akisussaassuseqarnerannik paasisitsiniaaneq kusanartuusoq. Kusanartuusorlu kalaallit angajoqqaat 90 procentiisa sinnerlugit paasisitsiniaaneq tusarsimammassuk! Neriuppunga tamanna kalaallit meerartaannut iluaqutaassasoq, isumaginninnermut ministeri Karen Hækkerup facebookimi quppernermini allappoq.
Arfininngornermi Maniitsumi kaffillerneq
- Kikkut tamarmik pitsaasumik inuuneqarnissaminnut periarfissaqarput, Nakuusa-mi pilersaarusiornermut pisortaq Arnavaraq Jørgensen UNICEF-imut oqarpoq.
- Misissuinerit misilittakkallu takutissimavaat meeqqat atugarliortorujussuit peroriartorsinnaasut pitsaasumik inuuneqalerlutik, inersimasoq ataasiinnarluunniit namminerminnut pingaaruteqarsimappat imaluunniit immikkut iliuuseqarfiginnissimappata. Takutikkusupparput meeqqanut atugarliortumut qanoq isilluni toqqissisimasumik inersimasuusinnaaneq, Arnavaraq Jørgensen oqarpoq.
Meeqqat oqaaseqartartui ulluni makkunani Maniitsumi ataatsimiittut ullumi juunip aallaqqaataani Meeqqat Ulluat nalliussivaat, naatsorsuutigineqarluni innuttaasut 500-t kaffisortitsinermi, ingerlaaqatigiinnermi nalliuttorsiornermilu peqataajumaartut, UNICEF paasissutisiivoq.
Paasisitsiniaaneq "Suli Anaanamik Ataatamillu!" aallaaveqarpoq ukiuni tallimani suleqatigiilluni suliniummit NAKUUSA-mit, taannalu 2011-mi januaarimi UNICEF Danmark-imit aamma Namminersorlutik Oqartussanit aallartinneqarsimavoq, siunertaralugu Kalaallit Nunaanni meeqqat pisinnaatitaaffiisa nukittorsarnissaat. Nalunaajaatit ilaatigut siammarsarneqarsimapput Nunatta tv-atigut, plakatitigut, angajoqqaanut atuakkakkut isumassarsiutikkut akeqanngitsukkut aammalu Arla-p immunnik kartoniini nalunaajaatitigut.