Skakkertartut piukkunnartut Nuummi naapissapput: Kikkut tamarmik peqataasinnaapput
FN-ip nunarsuaq tamakkerlugu skakkimut ullorititaani 20. juli 2022 Nuuk Skakklub ammasumik Nuuk Centerimi skakkernermi unammisitsissaaq.
Siorna corona pissutigalugu unammiuaartitsisoqanngitsooreersorlu, ukioq manna Nuummi skakkerluni unammisitsinissamut isumalluartoqarpoq. Nuuk Skakklubimi siulittaasoq, Niels Skou, oqaluttuarpoq.
- Siorna unammisitsisoqarnissaanut corona aporfiuvoq, taamaammat ukioq manna Nuuk Skakklubimit uteqqittoqarnissaa neriuutigineqarpoq, Niels Skou oqarpoq.
Takkuttoqarluarnissaa pissanganartumillu unammisoqarnissaa neriuutigaa. Minutsit qulikkaarlugit unammisoqassaaq, akunnernik pingasuni ingerlanneqartumi, taanna nal. 14 aallartissaaq.
Nunanit tamalaanit internetikkut peqataasut
Unamminermi peqataasut qasseriarlutik unammissanerlutik aalajangissavaat, akunnerillu pingasut ingerlaneranni amerlanernik pointinnattoq ajugaassaaq.
Nuuk Skakklubip nunani tamalaani skakkertartut pitsaasut arlallit nittartakkakkut unamminissamut peqataatikkumasimavai.
Piumasut pingasunngorpat nittartakkakkut Argentinamit, Spaniamit, Islandimit aamma Nunatsinneersumut Paulus Napatumut Illoqqortoormiunit aamma Reykjavik Openimi siullermeerluni peqataasumut H.C. Dahlimut Nuummeersumut unammisoqarsinnaavoq, siulittaasoq oqarpoq, ajugaasunullu pinnatassaqartoq oqaluttuarpoq, aqqusaartunullu kaageeraqarumaartoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...