Skip to main content

Skakkertartut nunarsuarmi ilisarisimaneqartut Nuummut tikeraartut

Nuummi skaklubbi akimasumik tikeraarneqangajalerpoq, kikkullu tamarmik peqataanissaminnut tikilluaqqusaapput

Skakimi pissartat nunarsuarmi ilisarisimaneqartut, Nuummi  Hrókurinnip Air Icelands Skakfestiani maajip 23-anit 30-anut ataqqinaammik tikeraartuussapput.

Islandermiut skakklubiata Hrókurinnip Kalaallit Nunaat ukioq manna pingajussaanik tamanna tikeraarnerissavaa.

Ukiuni 13-ini paarlaqatigiittartut
Hrókurinn skakkimik piginnaasat aamma Kalaallit Nunaanni ikinnguteqarneq siaruarterniarlugit, Qaqortumi nunat tamalaat skakkeqatigiinnerannit siullermit 2003-miilli maanga nunatsinnut 50-it sinnerlugit tikeraartareerpoq.

Uani tikeraartoqarnerani unamminerit pingaarnersarissavaat mesterit akornanni unammineq, Nigel Short Tuluit Nunaanneersoq aamma Jóhan Hjartarson Islandimeersoq, taakku Nuuk Centerimi maajip naanerani unammissapput.

Skakkertartut pillugit faktaboksimi paasisaqarnerugit.

Atuarfiit pulaarneqassapput
Tuluk Islandermiorlu aamma 'amerlasuukkaarluni skakkernermi' peqataassapput, taakkulu Islandimiut skakklubiat peqatigalugu atuarfiit, meeqqeriviit aamma paaqqinnittarfiit pulaassavaat.

Assit: Kulusumi skakkernermik ilitsersuineq

Air Icelandip ukiumoortumik Nuummi skakfestertitsinera ilaatigut Hrókurinnip siulittaasuanit, Hrafn Jökulssonimit, skakfestimut annertuumik naatsorsuuteqartumit aqunneqarpoq.

- Tasiilami aamma Kulusummi februaarimi nuannerluinnartumik skakfestertitsivugut, poorskimilu ikinngutigut Ittoqqortoormiiniittut qulissaanik tikeraarpavut, Jökulsson oqarpoq.

Aningaasanik tapiingaatsiartut
- Nuummi skakfestertitsinissarput ukiumi pingaarnertut aaqqissuussaavoq, taassuma saniatigut aamma Kangerlussuaq tikeraarnissaanut, aasaaneranilu Tunup sineriaani nunaqarfiit tikinnissaannut pilersaarusiorpugut. Takorluukkatta annersaraat Qaanaaq tikeraarnissaa, ukioq mannalu tamanna iluatsinnissaa neriuutigaarput.

Islandimi suliffeqarfippassuit, eqimattat aamma ataasiakkaat skakkernermik aaqqissuussinernut aningaasaliipput, ilaatigut Air Iceland aamma Polar Pelagic.

Atuaruk: Skak-ernermik neriunaatilik tappiitsoq Ittoqqortoormiini kuultinnappoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER