Skip to main content

Skak-ernermik neriunaatilik tappiitsoq Ittoqqortoormiini kuultinnappoq

Arfininngormat Ittoqqortoormiini skak-imik unammiuaarnermi skak-ertartoq tappiitsoq Paulus Napatoq angusarissaarnersaavoq

Takkuppoq, unammivoq ajugaallunilu. Taamatut oqaatigineqarsinnaavoq Paulus Napatup arfininngormat Ittoqqortoormiini skak-imik unammiuaarnersuarmi angusaa, taamatullu tusagassiorfinnut nalunaarutikkut oqaluttuarpoq islandimiut skak-ernermik klubbiat Hrókurinns.

Skak-illammaap tappiitsup unammisani tamaasa ajugaaffigai, Ittoqqortoormiinilu Norlandair-ip skak-imik unammiuaartitsinerani kuultinnalluni.

23-nik ukiulik Paulus Napatoq islandimiut skak-ernermik klubbianni Hrókurinns-imi ataqqinaammik ilaasortaavoq, klubbilu taanna poorskikkunni Ittoqqortoormiini skak-imik festivalertitsivoq.

Arfininngormat skak-imik unammiuaartitsinermi peqataasut katillugit 46-uupput.

Poorskip sapaataani skak-erneq uninngatinneqarpoq, illoqarfimmiullu amerlanerpaat domprovstimut soraarnermut Emma Balslevimut poorskimi naalagiarput.

Poorskip aappaani Islandip Kalaallillu Nunaata ikinngutigiinnerat nalliussineqassaaq, tusagassiorfinnut nalunaarummi allassimavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER