Skip to main content

Sivisuumik suliarineqareerluni: Erninermut atatillugu sulinngiffeqartitaasarneq pitsanngorsaavigineqassaaq

Erninermut atatillugu aningaasaateqarfeqarnissaq isumassarsiatsialaasoq 2016-imili isumaqatigiissutigineqarpoq. Maanna siunnersuut piareerpoq, angajoqqaallu sulinngiffeqarsinnaatitaanerat sapaatit akunnerini sisamani sivitsorneqarsinnaalissasoq siunnersuutigineqarpoq.

Angajoqqaanngortussanut nutaarsiassatsialak, inatsimmi nutaaq maanna tusarniutigineqarpoq taamaammallu aamma piviusunngortinneqangajalerluni.

Allannguutit

Inatsimmut maanna atuuttumut sanilliullugit allaannguutit pingaaruteqartut imaapput:

  • Namminersorlutik inuussutissarsiuteqartunut meerartaarnermut atatillugu aningaasaateqarfimmik pilersitsinissaq kiisalu pisortani sulisunut meerartaarnermut atatillugu sulinngiffeqartarnermut tunngatillugu naligiisitsinermik aaqqissuussineq, taakkulu sulinngiffeqarnerup nalaani sulisitsisut akissarsianut aningaasartuutaannut naligiisitsisuupput.
  • Akissarsiortut sulinngiffeqarnerup nalaani akissarsiaqarsinnaatitaalissapput.
  • Angajoqqaat sulinngiffeqartarnerat sapaatit akunnerinik sisamanik sivitsorneqassaaq, tamannalu eqaatsumik  aaqqissuunneqarsinnaassalluni.
  • Arnat angerlarsimaffigisami avataanut erniartornissaminnut innersuunneqarsimasut sulinngiffeqarsinnaatitaanerannik atulersitsineq.
  • Sulinngiffeqarnerup nalaani meeqqamik annaasaqarnermi angajoqqaanut sulinngiffeqarsinnaatitaanermik atulersitsineq. 
  • Angajoqqaat assigiimmik suiaassusillit inatsisitigut inissisimanerisa pitsanngoriaateqarnerat.
  • Tapertatut pisortanit ikiorsiissutinik pisinnaatitaanermik atulersitsinikkut kiisalu meerartaarnermut atatillugu ullormusianik naatsorsuisarnermut periutsip allanngortinneratigut ilaqutariit isertitakitsut aningaasaqarnikkut pitsanngorsaavigineqassapput, taamaalillutik piffissat sulinngiffiusimasut naatsorsuinermi ilanngunneqartassanatik. 
  • Meerartaarnermut atatillugu sulinngiffeqarnermi meeqqap ilagineqartarnissaanik piumasaqaat. 

Misilittakkat

- Nunani allani ukiuni arlalinni erninermut aningaasaateqarfeqarsimasuni misilittakkat takutippaat erninermut aningaasaateqarfiit arnat kinguaassiorsinnaasutut ukiullit akornanni suliffissaaleqinerunermik ajornartorsiutit qaangerneqarnissaannut, angutit arnallu akornanni assigiimmik akissarsiaqarnerup qularnaarneqarnissaanut, suiaassutsinullu agguataarlugu suliffeqarfeqarnerup qaangerneqarnissaanut peqataasimasut, inatsisissatut siunnersuummut nalinginnaasumik nassuiaammi allassimavoq. Siunnersuut maajip 15-ata tungaanut tusarniutigineqarpoq.

Tamakkiisumik akissarsiaqarnissaq

- Kiisalu erninermut aningaasaateqarfeqalernikkut siunissami erninermut sulinngiffeqarnermi tamakkiisumik akissarsiaqartitsinissamik neqerooruteqarsinnaalernissaq sulisitsisunut annertuumik akikinnerulersussaavoq, tamannalu naatsorsuutigineqarluni siunissaq ungasinnerusoq isigalugu sulisartut tamarmik erninermut atatillugu sulinngiffeqarnerminni tamakkiisumik akissarsiaqarsinnaalernissaannut aqqutissiuiumaartoq, allassimavoq.

Inatsisissatut siunnersuut tamaat uani atuarsinnaavat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER