»Sivisunaarnarsinnaavoq«
Inatsisartuni Folketingimilu naalakkersuinermik suliaqartut qaqugu periusissiaq naammassissanersoq paasissallugu pissanngatigaat. Kingornatigut nunani pingasuni sivisuumik inatsisartuni oqaluuserineqarnissaa Aaja Chemnitsip ilimagisinnaavaa.
Taamaallaat nunanut allanut ministeri Lars Løkke Rasmussen (M) tupigusunngilaq Nuummi nunanut allanut politikkimi periusissiassap naammassinissaata kinguaattoorneranut. Periusissiaq savalimmiormiut ilanngussaanik ilallugu naalagaaffeqatigiinni tamakkiisumik Issittumut periusissiap pingaartup ilagaa.
Aviisi AG taama allappoq.
Inatsisartut nunanut allanut tunngasunut ataatsimiititaliaani siulittaasup Mariia Simonsenip (IA) aamma Naalakkersuisut utaqqikatappai.
- Ataatsimiititaliami ilisimatinneqarpugut periusissiaq naammassilersoq. Arlaleriarluta nukingisaarivugut. Naalakkersuisut suna ajornartorsiutaanersoq nassuiartariaqarpaat. Nutserneqarnera utaqqisaanersoq, sulisussanik amigaateqarnersoq imaluunniit susoqarnersoq, Mariia Simonsen oqarpoq.
Tamakkiilluinnartumik
Parteeqataata Folketingimi ilaasortap Aaja Chemnitzip Mariia Simonsen isumaqatigaa. Aaja Folketingimi oqallinnermi peqataavoq Lars Løkke »Issittumut periusissiaq utaqqisaasoq« pillugu oqaaseqarmat. Tamakkiisumik isumalluanngilaq periusissamik sulineq naammassigaluttuartoq.
- Folketingimi oqallinneq sioqqullugu Lars Løkke ataatsimeeqatigaara, eqqaasilugu tamanna naammassinaviangnitsoq Naalakkersuisut nunanut allanut periusissiamik naammassinerisigut. Tamatuma kingornagut periusissiaq taanna Inatsisartuni oqaluuserineqassaaq. Suliaq aallartimmalli pisoqarsimaqaaq – minnerunngitsumik Ukrainemi sorsuttoqalerneratigut, oqarpoq.
Aviisimi AG-mi atuarnerusinnaavutit. Aviisi uani pissarsiarisinnaavat.
