Siverth: Parteeqatini aqussagai Enoksen piumaffiginikuuara

Atassut mittarfiliornissat pillugit paasissutissanik pissarserusuppoq. Naalakkersuisooqataanissaq suli kissaatigineqarpoq

Partii Naleqqap Naalakkersuisooqataagunnaarnera Atassummi siulittaasumit Siverth K. Heilmannimit naammagisimaarneqarpoq.

- Iluaallannarpoq. Partiimi pisut paasinngilluinnarpakka piffissami kingullermi. Hans Enoksen nalunaarfiginikuuara parteeqatini aqulluassagai, Siverth K. Heilmann oqarpoq.

- Atassut Naalakkersuisooqataaginnassava?

- Naalakkersuisooqataaginnarusuppugut. Kisianni misissugassaqarpoq. Mittarfiliornissanut paasissutissat pillugit ilisimatitsisoqarnissaa utaqqimaarparput, oqarpoq.

- Naalakkersuisooqatigiinnermi kikkut suleqatigerusunneruigit, IA Demokraatilluunniit?

- Kim Kielsenip taanna suliassaraa.

- Aalajangiissasuuguimmi?

- Partiit taakku suleqatigisareerpagut.

- Qinersisoqarnissaa periarfissaalersinnaava?

- Tamanna neriuutiginngeqaara, Siverth K. Heilmann oqarpoq.

Powered by Labrador CMS