Qajassuussanut atorfiit
Siusinaartumik sulisinnaajunnaarnersiutillit sulilissapput
Naalakkersusoqatigiit aaqqissuusseqqinnerat siulleq tallimanngorpat atuutilissaq, tassuunakkullu siusinaartumik sulisinnaajunnaarnersiutillit 3.000-t eqqorneqassapput
Tallimnngorpat juulip aallaqqaataani 2016 siusinaartumik sulisinnaajunaarnersiutilinnut inatsit nutaaq atuutilissaaq.
Malittarisassat nutaat naapertorlugit siusinaartumik soraarnerussutisiallit sulisinnaassusillit amerlanerujussuit sulisartoqarnermut attuumassuteqalersinnaapput, assersuutigalugu atorfinni tapiiffigineqartuni.
Sulinerussapput
Taamaattumik siusinaaertumik utoqqalinersiallit amerlasuut, oqaatigineqartutut, sulisinnaassusiat nalilersorneqassaaq.
Siusinaartumik soraarnerussutisiaqarnerup aaqqissuuteqqinneratigut siunertaavoq eqqorneqartup sulisinnaassusiata ineriartortinnissaa, assersuutigalugu sulileqqinnissamut sungiusartitsinikkut, tamakkua arlaatigut sulilersinnaalersillugit.
– Nalunngiparput innuttaasut siusinaartumik sulisinnaajunaarnersiutillit amerlasuut sulilersinnaallutillu sulileqqikkusuttut, ilaqutariinnermut, naligiissitaanermut, isumaginninnermut inatsiseqarnermullu Naalakkersuisoq Martha Lund Olsen (S) oqarpoq.
Taassuma Sulisitsisut Peqatigiiffiat, ingerlatsiviit, CSR Grønland, kommunit Namminersorlutillu Oqartussat sulisunik ineriartortitsinermut immikkoortoqarfia ataatsimiigiaqqusimavai nikerartumik, iluaqutaasumik qajassuussamillu atorfinitsitsinissamut periarfissat oqaluuseriniarlugit.
Tamanut iluaqutaasumik
– Siunertaavoq oqaloqatigiissutigissallugu siusinaartumik soraarnerussutisialinnut inatsit nutaaq periarfissanik sunik imaqarnersoq, aammalu kommunit ingerlatsiviillu sulisartoqarnermut imaqarluartumik sinaakkutassanik, ataatsimoorlutik qanoq isillutik pilersitsisinnaanersut, Martha Lund Olsen oqarpoq.
DTaassuma ataatsimiinnerup soqutigineqarnera takussutissaasoraa innuttaasut amerlanerusut sulilersikkusunneqartut - innuttaasunut ataasiakkaanut ilaqutariinnullu, aammalu ingerlatsivinnut inuiaqatigiinnullu iluaqutaasumik.
Ullumikkut innuttaasut 3.000-t siusinaartumik soraarnerussutisiaqarput.
Oqaluttuaq Sermitsiami atuaruk