Siunnersuutit: Smartphonet ima sukkanerulersissinnaavat
Smartphoneppit sivisunerusumik atorsinnaaneranut siunnersuutit arfinillit.
Smartphonet iluarsartuunneqanngikkunik piffissap ingerlanerani kigaanneruleriartorsinnaasarput. Tamanna isumaqarpoq amerlanertigut nutaamik mobilisisariaqartartugut, pisariaqanngikkaluaraangalluunniit.
Taamaammat smartphonep nutaanngiligaluarluni suli sivisunerusumik atorsinnaanissaanut siunnersuusiorluni suliaqarpoq.
Netkablet.dk paasissutissanik ilanngussisimavoq iPhoneppit indstillingii qanoq aaqqissinnaaneritit, Androidili atoraanni mobilit assigiinngitsut apeqqutaallutik aaqqinneqarsinnaallutik. Taamaassappat mobilit sorliunersoq aallaavigalugu ilitsersuummik ujaasisariaqassaatit, tamakkununngali internetimi qujanartumik ilitsersuuterpassuaqarpoq.
1) Oqarasuaammi angallattagarni aaqqissuigit
Iliuusissaq siulleq tassaavoq mobilinniititatit aaqqissuiffigissallugit.
Mobilimi assit immiussallu pisariaqanngitsut toqqortarigukkit piiassavatit, app-illu atunngisatit assigiinngitsut aamma piiarlugit.
Mobilit ikinnerusunik app-eqaruni sukkanerullunilu patajaannerusumik atorneqarsinnaavoq.
2) ”Opdater i baggrunden” atorunnaarsissavat
App-it arlallit akuersiseqqaartinnak paasissutissanik nutaanik namminneq aallertarput, tamannali pisariaqanngilaq.
Maluginiaruk uani pineqanngimmat app-ip iluittuutillugu nutarsarnissaa, kisiannili app-ip iluani paasissutissat annikitsut aaneqaannartarnerat pineqarluni, app-i atorneqanngikkaluaraangalluunniit.
App-i e-mailitut atukkat nammineq aallertartunngortissallugu pisariaqarsinnaavoq. App-inut allanut tamanna pisariaqanngilaq. iPhoneni ima iliorsinnaavutit: Indstillinger > Generelt > Opdater i baggrunden.
3) Cache-filer peeruk
Mobilippit browseritut atugaani app-imi cache-filer peersinnaavatit. Tamanna ajornanngitsunnguuvoq, mobilillu allanut inissaqarnerulersinnaalluni.
Piiaanissat indstillingini browserip ataani aaqqissavat.
4) App-it nutarsakkit
App-it pitsaanerulersinniarlugit aaqqiissutissanik nutarsaasoqartuaannarpoq, taamaammat app-it nutaanerpaat atortariaqarpatit.
Amerlasuut isumaqakkajupput app-it nutarsartanngikkaanni smartphone sukkanerulertartoq. Tamannali killormoortuanik kinguneqartarpoq. Nutarsaasaruit app-it nutaanerusut sukkanerusullu pigilissavatit.
Mobilip aqutsisua (styresystem) aamma taamaappoq.
5) Aalanerit annikillisikkit
Smartphonesini aalarpasissunik assigiinngitsunik sunniuteqartoqarpoq. Pingaartumillu iPhoneni tamakku kigaannerulersitsisarput.
Assersuutigalugu mobilimi assi tunuliaqutarineqartoq aalasutut isikkoqarsinnaavoq, app-illu uninngaannarlutik.
iPhoneni ima iliorsinnaavutit: Indstillinger > Generelt > Tilgængelighed > Reducer bevægelse
6) Lokalitetstjenester atorunnaarsiguk
Naggataatigut, minnerunngitsumilli, lokaltjenester-ip atornera annikillisissinnaavat. Taanna mobilip batteerianik atuingaatsiartarpoq, oqarasuaatip angallattakkap RAM-ianik atuisuugami.
Nalinginnaasumik app-it arlallit oqarasuaatip angallattakkap sumiissusersiutaanut atasarput, taamaammat app-it allattorsimaffiat nammineerlutit misissuataartariaqarpat, app-it sorliit sumiissusersiut atussaneraat nammineerlutit aalajangersinnaaniassagakku.
iPhoneni ima iliorsinnaavutit: Indstillinger > Anonymitet > Lokalitetstjenester.
Batteerip atuunnera sivisunerusinnaavoq
Siunnersuutit malikkukkit smartphonet sukkanerulertoq malugisinnaassavat.
Taassuma saniatigut batteeritaata atorsinnaanera sivitsussaaq, nutaamillu mobilisinissat kinguartikkallarsinnaassagunarpat. Tamanna avatangiisinut aningaasivimmullu pitsaasuusoq, netkablet.dk allappoq.