Skip to main content

Siunnersuutip atuarfinni pisortat pitsaanerulersissavaat

Meeqqat atuarfiini pisortanngorlaat ukiut pingasut iluini pisortatut ilinniartinneqartariaqarput, pisortalli allat ilinniagaqaqqissinnaasariaqarlutik. Ilinniartitaanermut naalakkersuisup inatsisissatut siunnersuutit atuarfinnut iluaqutaasussat arlallit ulluni makkunani piareersarlugit suliarai.

Meeqqat atuarfiini pisortat piginnaanngorsarneqarnerisigut meeqqat atuarfii pitsaanerulersinneqassapput.

Suliniutinut suleqatigiissitat 2020-mi nalunaarusiaminni ’Ilinniartitaanerup aaqqissuussaanera eqaatsoq ataqatigiittorlu’ taamatut inerniliipput. Nalunaarusiami inassutigineqarpoq, meeqqat atuarfiisa pitsaassusaat qaffassarneqassasoq, tassani atuarfinni pisortat ilaatigut atuarfimminni pitsaanerusumik aqutsisinnaalersinniarlugit.

Naalakkersuisut maanna tamanna malitseqartinniarlugu inatsisissatut siunnersuutinik arfinilinnik saqqummiussisussanngorput:

- Atuarfiit pitsaassusaat qaffatsinneqassappat, atuarfinni pisortanngorlaat ukiut pingasut iluini pisortatut ilinniartinneqartassapput. Atuarfinni pisortat atuuffimminnut naapertuuttumik ilinniagaqarnissaat pingaaruteqarpoq, Ilinniartitaanermut Naalakkersuisoq Peter Olsen Sermitsiaq.AG-mut oqarpoq.

Skemani sammisaqarnerusoqartassasoq

Inatsisissatut siunnersuutit arfinilli suliarineqarput, Ilinniartitaanermut Naalakkersuisoq naapertorlugu taakku meeqqat atuarfiissa pitsaassusaasa qaffaaffigineqarnissaat qulakiissavaat. Peter Olsenip ilaatigut timip aalatinneqarnerusarnissaa oqaluttuarisaanerlu skemanut ilanngukkusuppai.

- Oqaluttuarisaanerup atuarfinni skemanut utertinneqarnissaat sulissutiginiarparput. Sammisaqarnerusoqartassaaq. Digitalikkut ilinniartitsisoqartassaaq, atuartitsinermi timi aalatinneqarnerusassaaq, eqqumiitsuliorneq isiginnaartitsinerlu aamma skemanut ilanngunneqassapput, Ilinniartitaanermut Naalakkersuisoq oqarpoq.

GE-p IMAK-illu nalunaarusiaq ’Ilinniartitaanerup aaqqissuussaanera eqaatsoq ataqatigiittorlu’ isornartorsiorsimavaat, oqaatigalugulu suliarineqarsimasoq nunap ineriartortinneqarneranut naapertuutinngitsoq. Ilinniartitaanermulli Naalakkersuisup atuarfiit pitsaassusaasa qaffaaffigineqarnissaat anguniarlugu inassuteqaatigineqarsimasut piviusunngortinneqarnissaat sulissutiginiarpaa.

Inatsisissatut siunnersuutit ilaatigut imarissavaat:

  • Oqaluttuarisaaeq immikkut ilinniagassatut
  • Digitalikkut ilinniagaqarneq digitalikkullu suliaqartarneq
  • Najukkami aalajangiisarnerup allanngortinneqarnissaa
  • Inunnik isumaginnittunut attaveqartarneq
  • Ilitsersuineq
  • Atuarfinni pisortanik ilinniartitsineq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER