KL

DK

Siunnersuut: Danmarkimut piffissaq nikingassutaasoq annikillineqassaaq - aasaanerani nalunaaqutaq attanneqassaaq

Nalunaaquttap ingiaqatigiiffia nalinginnaasoq Naalakkersuisut allanngortikkusuppaat, taamaalilluni Kalaallit Nunaat piffissap tungaatigut Europamut qanilliallanniassammat. Tamanna suliassaqarfik ”Nalunaaquttap aalajangersarneqarnera” tiguneqarneranut atatillugu pissaaq.

Thomas Munk Veirum

Naalakkersuisunit siunnersuut nutaaq akuerineqarpat, siunissami siusinnerusukkut makittalernissaq naatsorsuutigineqarsinnaavoq.

Tassami nalunaaquttap ingiaqatigiiffiata allanngortinneqarnissaa siunnersuutigineqarpoq, ullumikkut nalunaaqutaq 10.00, siunissami 9.00-iussaaq- sumiiffiit immikkut nalunaaquttamik ingiaqatigiiffeqartut pingasut pinnatik.

AAMMA ATUARUK: Nunatta nunatsinni nalunaaqutaqatigiinnissaq nammineq aalajangersinnaanngorpaa

Naalakkersuisut suliassaqarfiup ”Nalunaaquttap aalajangersarneqarnera” tigussallugu danskit naalakkersuisuinik isumaqatigiissuteqarnerannik, siunnersuut tunululiaquteqarpoq. Tassa imaappoq, Kalaallit Nunaata nalunaaquttap ingiaqatigiiffiinik siunissami nammineq aalajangersaasinnaanngussaaq.

Naalakkersuisut taamaammat inatsisissatut siunnersuummik tusarniaanermik aallartitsipput, aalajangernermik atuutilersitsisussamik, Kalaallit Nunaallu siunissami nalunaaquttap ingiaqatigiiffia UTC -2 malissagaa siunnersuutigineqarpoq. Ullumikkut piffissaq UTX -3 malinneqarpoq.

Nalunaaquttap ingerlaqatigiiffii pillugit

  • Nunarsuarmi nalunaaquttap ingerlaqatigiiffii assigiinngitsut taakkua Greenwich-imi meridian pingaarneq, allorniusat tukimukartuni 0-mi inissisimasoq, aallaavigalugu naatsorsorneqartartussanngorput.
  • Tassa imaappoq allorniusat tukimukartut 15-it tamaasa meridian pingaarnermiit kangimut nikikkaanni, nunarsuarmi nalunaaquttap ingerlaqatigiiffiat nalunaaquttap akunneranik ataatsimik siuassaaq (+1).
  • Danmarkip taamaalilluni Greenwich kangiani allorniusaq tukimukartoq 15 malissallugu aalajangersaasimavoq, tamatuma malitsigisaanik Danmarki nunarsuarmi nalunaaquttat ingerlaqatigiiffiini UTC +1-miilluni.
  • Taamaaqataanik meridian pingaarnerup kitaanut allorniusanik tukimukartunik 15-nik nikikkaanni.
  • Kalaallit Nunaanni nunarsuarmi nalunaaquttap ingerlaqatigiiffia ullumikkut meridian pingaarnerup kitaani allorniusanut tukimukartunut 45-nut aalajangersagaavoq, taamaalillunilu Kalaallit Nunaat nunarsuarmi nalunaaquttap ingerlaqatigiiffiini UTC -3-miippoq.

Najoqqutaq: Naalakkersuisut

Nunarput taamaalilluni kangimut sanilerisanut Danmarkimut, Savalimmiunut aamma Tuluit Nunaannut akunnermik ataatsimik qaninnerulissaaq:

Sulisitsisut akuersaartut

- Siunnersuut ilusimisut iluseqartillugu akuerineqassappat, Kalaallit Nunaata aamma Islandip, Savalimmiut aammaluKunngeqarfikTuluit Nunaat aamma Irland Avannarleq akornanni nalunaaquttap nikingassutaa nalunaaquttap akunneri marlunngussaaq. Kalaallit Nunaata aammaDanmarkip, Norge-p, Sverige-p, Tysklandip aammalu Europap kitaaniittutallat akornanni nalunaaqutaq,nalunaaquttap akunnerinik pingasunik nikingassuteqalissaaq.Aammalu Kalaallit Nunaata aammaGrækenlandip, Bulgarien aammaRumænien akornanni nalunaaqutaq nalunaaquttap akunnerinik sisamanik nikingassuteqalissalluni, Naalakkersuisut siunnersuut pillugu taama allapput.

Sulisitsisut siornatigut nalunaaquttap ingerlaqatigiiffiisa nikisinneqarnissaat inuussutissarsiortut eqqarsaatigalugit oqariartuutigisareerpaa. Danmarkimi aamma Europami suliffeqarfiit niueqatiginissaannut akunnernik arlalinnik periarfissaqalissammat, taama tunngavilersuuteqarput.

Nalunaaquttap ingerlaqatigiiffii nuna tamakkerlugu nikisinneqartussaagaluartut, sumiiffiit pingasut immikkut nalunaaquttap ingerlaqatigiinneri attatiinnassagaat siunnersuutigineqarpoq.

Ittoqqortoormiit piffissap ingerlaqatigiiffiani UTC 1miittoq, Danmarkshavn UTC +0-miittoq, aamma Pituffik UTC 4miittoq.

Aasaanerani piffissaq maannamut attanneqassaaq

Immikkut nalunaaqutaqartut attanneqarnerat assigalugu, aasaanerani nalunaaqutaq aamma atuutiinnarniarpasippoq.

Aasaanerani nalunaaquttap atorunnaarsinneqarnissaa Inatsisartut siornatigut aalajangeraluarpaa, kisianni suli atulersinneqanngilaq:

- Tamatumunnga pissutaavoq, InatsisartutaalajangiinerannutEU-mi (Europæiske Union)aasaanerani nalunaaquttap atorunnaarsinneqarnissaata apeqqutaatinneqarnera, tunngavigineqarmat. EU-mi aasaanerani nalunaaqutaq suli atorunnaarsinneqanngilaq, Naalakkersuisut siunnersuut pillugu allapput.

Inatsisissatulli siunnersuummi Naalakkersuisut aasaanerani nalunaaquttamik atorunnaarsitsisinnaanermut pisinnaatitaaffeqalissapput.

inuiagatigiit nunatsinnit
Powered by Labrador CMS