Siunnersuut suliarineqartoq: Ilulissat Kangia UNESCO-p nunarsuarmioqatigiinnut kingornutassaannit peerneqassava?
Ilulissat Kangiata UNESCO-mi nunarsuarmioqatigiinnut kingornussassatut allattorsimaffianit peerneqarluni, sanaartorfinngornissaa ingerlatsiviup mianersuuteqquaa. Naaperiutitut siunnersuutigineqarpoq kingornutassatut killigititamut sillimmataasoq millilerneqassasoq.
Avannaata Kommuniani kommunalbestyrelsep Ilulissat Kangiata UNESCO-p nunarsuarmioqatigiit kingornutassaannut allattorsimaffimmiit peerneqarnissaa pillugu siunnersuut tallimanngornermi oqaluuserissavaat.
Naleraq sinnerlugu kommunalbestyrelsemi ilaasortaq Anthon Frederiksen siunnersuuteqartuuvoq.
Taassuma tunngavilersuutigaa Ilulissat allisinnaaffianik naleqquttunik nassaarniarneq UNESCO-p killeqarfiata, kiisalu imeqarfimmut pallitsaaliukkap pisarissersorfigimmagu, taamaalilluni Ilulissat iluserisamigut allanngoriartornissamini nangitaqarnissaminik ajornakusoorfeqarluni.
Frederiksen naapertorlugu innuttaasut suliffeqarfiillu qutsissumi isikkivigissumilu sanaartorusukkaluarput.
Iluanaarutit 63,5 milliuunit koruuniussapput
Tamannali akisungaatsiarsinnaavoq.
Ingerlatsivik ilisimatitsivoq ukiuni 2004-mit 2007-imut ukiuni ataasiakkaani tamani takornarianit unnuisunit, aammalu umiarsuarnit takornariartaatinerersunit isertitat ilassutaasut 63,5 milliuunit koruunit isertitsissutaasimasut. .Forvaltningen oplyser, at der i 2004 til 2007 hvert år har været en merindtægt på 63,5 millioner kroner, som stammede fra overnattende turister og fra krydstogtturister. Nunarsuarmioqatigiinnut kingornutassamik pigisaqalernerup kingunerisaanik takornariat sunniutaannik misissueqqissaarnerup, 2012-imi ingerlanneqartup tamanna takutippaa.
UNESCO-mi allattorsimalerneq malunnaatilimmik iluaqutaasimavoq:
- Taamaattumik sumiiffimmik eqqissisimatitaasumik aammalu killeqarfiliaasumik ataqqinninnissamik kommunip illersuiuarnissaa pingaartuuvoq. Nunarsuarmioqatigiinnut kingornutassiaaneq nunap immikkoortutsinnik pilerisaariuarnertut kommunip isigissavaa, tassanngaanniillu peerneqarneq piujuartitsisumik ineriartortitsinissamik sammisaqartutut oqartussaaffittut akisussaaffilittut pingaarutilimmik inissisimaffeqarnermik piigaqassaaq, erseqqissarneqarpoq.
Naaperiut
Ingerlatsiviulli aamma assortunngilaa illoqarfik ineqarnikkut inuussutissarsiornikkullu pitsaasumik ineriartornissamik qulakkeerinniffiusariaqartoq.
- Avannaata tungaanut illoqarfiup alliartortinnissaanik sammisaqartumik, ilanngullugu Nuugaarsummik, suli annermik sanaartornissamut annertoorsuarnik nunaminertalimmik nalunaarusiamik Avannaata Kommunia suliaqarsimavoq. Nuna killeqarfiusoq kommunep annertuumik iliuuseqarfingisinnaavaa, taamaalillunilu malittarisassiat qanoq ittuussanerinik nammineq aalajangiisinnaavoq.
Nuna killeqarfiusoq tamakkiisumik atorneqarsinnaappat, UNESCO-p allattorsimaffianiittoq attornagu, Ilulissat ineriartortinneqarsinnaavoq.
Illoqarfiup kujataatungaani sanaartortoqarsinnaanera siunertaralugu, nunap eriagisap killeqarfiisa nalilersoqqinnissaanut suliaqartoqartoq, ingerlatsivik ilisimatitsivoq.
Ilulissat Kangiata UNESCO-p nunarsuarmioqatigiit kingornutassaannut allattorsimaffimmiit peerneqarnissaa kommunalbestyrelsep akuerissagaluarpagu, qanoq iliortoqannginnerani Naalakkersuisut tassaapput kingulliullutik aalajangiisussat.