Skip to main content

Siunnersuut: Nuuk ilisimatusarnermi qitiutinneqassaaq

Nuuk ilisimatusarnermi qitiutinneqarluni nukittorsarneqarpat, Kalaallit Nunaat tamakkerlugu iluaqutaassaaq, borgmesteri Asii Chemnitz Narup erseqqissumik siunnersuuteqartoq isumaqarpoq.

- Pissusissamisuuinnarpoq Illoqarfiit Pingaarnersaannut Periusissiamut atatillugu ilisimatuut ilisimatuutullu suliffeqarfiit suleqatigalugit Nuup issittumi ilisimatusartunut qitiusutut inissisimalersillugu, ilisimatuut assigiinngitsunik suliaqartut pilerinartumik suleqatigiittarfissaat - forskningshub - sulissutigigutsigu, Kommuneqarfik Sermersuumi borgmesteri Sermitsiaq.AG-mut oqarpoq.

Sinaakkutit nukittorsarneqassapput
Kommunalbestyrelsimut nutaamut ilisimatusarnermut aamma kommunitut illoqarfittullu iluaqutigalugu sinaakkutit qanoq nukittorsarneqarsinnaanerat oqaluuserisassanngortinniarpaa.

- Siunnersuutigaara Nunatsinni Ilisimatusarnermut Siunnersuisoqatigiit qaaqqullugit oqaloqatigissagivut, paasiniarlugu uagut kommunitut qanoq iliuuseqarsinnaanersugut, IA-meersoq borgmesteri saqqummiussivoq, taanna qinigaaffiit pingajussaannik borgmesterinngorniarsarivoq.

Ilisimatusarneq suli sorlanissimanngitsoq
- Ilisimatuutut suliaqarneq Nunatsinni inuiaqatigiinnut naammaginartumik ataavartumillu suli sorlanissimanngilaq, Nunatsinnullu aningaasarsiornikkut annertunerusumik suli malunnaateqarani, naak periarfissaqaraluaqaluni. Tamanna ilorraap tungaanut saatittariaqarparput, Asii Chemnitz Narup oqarpoq.

Borgmesteri naapertorlugu Nuummi ilisimatuut suleqatigiittarfissaat ilaatigut makkununnga iluaqutaasinnaavoq:

  • Suliffeqarfiit ilisimatusarfiusut ilinniarfiusullu nunatsinniittut siuarsarneqarnissaat
  • Isumasioqatigiisitsisarnerit assigisaallu aqqutigalugit tikeraat takornarissallu amerlanerulissapput
  • Ilisimatusarnermik ingerlatsiviit nukittuut pilersinneqarnerisigut, kalaallit, nunani allani ilinniarluarsimasut, uternissaminnut kajumissuseqalernerulissapput
  • Ilisimatuutut suliaqarneq kalaallinut inuiaqatigiinnut iluaqutaasussaq ersarinnerulersissallugu annertunerulersissallugu.

Pikialaarfimmik pilersitsiniartut
- Ilisimatusarnermut ilinniagaqarnermullu qitiusumik – nunatsinni ilisimatusakkat akimorlugit -pikialaarfissamik pilersitsiniarpugut, ineriartornissaminut sulianullu apersuusiisinnaanissaminut periarfissaqarluartussamik – Ilisimatuutut sulinermi Nuup qitiusumik inissisimanissaa tulluarnerpaajuvoq, borgmesteri naqissusiivoq, ilisimatuut danskit kalaallillu Nunatsinni ilisimatuutut suliaqartut amerlanerpaartaat Nuummi, Nuulluunniit aallaavigalugu sulisartut unnersuutigalugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER