Siunnersuut nutaaq: Inigisat eqqissisimatinneqassapput
Naalakkersuisut erseqqissaatigaat, paragraffimut akerlerineqartumut inigisat ilaatinneqanngitsut
Partiit arlallit marlunngormat piumasaraat, inatsisissami suliarineqapallattussami, ullumi kingusinnerusukkut suliarineqartussami Naalakkersuisut allannguissasut, politiillu eqqartuussiviit aqqutigeqqaarnagit angerlarsimaffinnut isersinnaanerat peerneqassasoq piumasaralugu.
Malunngormat unnulluinnartoq inatsisissaq Inatsisartut nittartagaasigut iluarsiiffigineqarsimavoq. Paragraf 6, imm. 2 akerlerineqaqisoq inatsisissatut siunnersuummut suli ilaavoq, inatsisissamulli nassuiaatini inigisatilaatinneqanngitsut erseqqissaassutigineqarsimalluni:
- Ininut allanullu imm. 2-mi taaneqartunut ineqarfik ilaanngilaq, nassuiaatini maanna allassimalersimavoq.
Katersuunnissat killilersorneqartut
Paragraffen hører til den del af lovforslaget, der giver Naalakkersuisut mulighed for at sætte grænser for, hvor mange mennesker, der må forsamles:
- Aalajangersagaq siamasissumik paasineqassaaq. Inuit katersuunneri tamarmik ilaatinneqarsinnaassapput. Katersuunnermi ataatsimi inuit qanoq amerlatigeqqusaaneri nalunaarummi aalajangerneqarsinnaavoq, nassuiaatini allassimavoq.
Erseqqissaassutigineqarpoq, illumi inuit qanoq amerlatigisut katersuussimanersut takuniarlugu politiit eqqartuussiviit aqqutigeqqaarnagit isersinnaatitaanngikkaluartut, katersuunnissamut inerteqquteqarneq inigisanut aamma atuutsinneqarsinnaasoq:
- Taamaattorli imm. 1 malillugu, katersuunnernut, aaqqissuussanut, pisussanut il.il. ingerlatsinissamut peqataanissamullu inerteqquteqarneq pillugu maleruagassat aalajangersarneqartut ineqarfinnut aamma atuutissapput.
- Matumani pisut, soorlu festernerit il.il. akuerisaasumiit inuit amerlanerullutik katersuuffigisaat pingaarnertut eqqarsaatigineqarput. Nappaatinit nalinginnaasumik tamanut ulorianartunit illersuinissamut siaruarnissaatalu pinaveersaartinnissaanut tamanna pisariaqarpoq, inatsisissatut siunnersuummut nassuiaatini allassimavoq.
Inatsisissatut siunnersuut ullumi Inatsisartut siullermeerlugu, aappassaaneerlugu pingajussaaneerlugulu suliarissavaat. Ataatsimiinneq aqqanernut allartissaaq.