Skip to main content

Siunnersuut: Najugaqarnermut uppernarsaat akeerulli

Umiarsuaateqarfiup Disko Linep ilaasut unnuissatillugit najugaqarnermut uppernarsaat takujumasarpaat. Qaasuitsup kommuniani kommunalbestyrelsimi ilaasortap najugaqarnermut uppernarsaat qaammatini pingasuni tulliuttuni akeqanngikkallarnissaa siunnersuutigaa

Najugaqarnermut uppernarsaat februaarip qaammataani apriilip qaammataa ilanngullugu kommunimut akeqanngitsumik piniarneqarsinnaanngussasoq Qaasuitsup Kommuniani kommunalbestyrelsimi ilaasortap Kristian Jeremiassenip (S) siunnersuutigaa.

Umiarsuaateqarfiup Disko Linep ilaasumi apuuffissarinngisaminni unnuissagaangata najugaqarnermut uppernarsaammik takujumasarnera pissutigalugu siunnersuutigaa. Ilaasummi najugaqarnermut uppernarsaammik paarinngippat unnuinissamut aningaasartuutit nammineq akilertariaqartarpaat.

Atuaruk: Najugaqarnermut uppernarsaat online-kut akeqanngilaq

Nittartakkatigut akeqanngilaq

Qaasuitsup Kommuniata allaffianut najugaqarnermik uppernarsaammik piniaraanni 60 koruuneqarpoq, Sullissivik.gl-ikkullu akeqarnani.

- Kikkut tamarmik internetsimut isersinnaanngillat, inuiaqatigiillu tamarmik nem-id-eqarnatik. Taamaattumik kommunip najugaqarnermut uppernarsaat qaammatini pingasuni tulliuttuni akeqanngitsumik tunniussinnaasariaqarpaa, Kristian Jeremiassen tusagassiuutinut nalunaarummi allappoq.

- Angallannikkut sullissinerup ajorteriarnerata kingorna aamma innuttaasut aningaasartussasut piumasarineqarpoq, akissaliinnaanngillat innuttaasugut tamarmik taamaammat assingiimmik periarfissittariaqarpagut innuttaasugut, Kristian Jeremiassen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER