Siunnersuut: Kulusumi takornarialerineq inerisarneqarli

Kommuneqarfik Sermersuumi kommunalbestyrelsimut ilaasortat februaarip 20-ani aalajangiiffigisassaatut siunnersuuteqarpoq.

Ipisikkiartuaarneqarpoq

- Kulusuk mittarfeqarfiuvoq avataaniit tikerarneqarluartartoq, illoqarfimmullu nunaqarfinnullu qitiusumik angallaffiusoq. Takornariaqarnikkut inerisaruminartoq, ataqatigiissumik pilersaarusiorluarneratigut aningaasaqarnikkut ineriartortilluarneqarsinnaasoq. Ullumikkut killiffik eqqarsaatigalugu Kulusuk innuttaalumi allamiut takornarialerisut ”ipisikkiartuaarpaat”, pissutaasoq nassuerutigineqanngippat suli maannamit ”artornarnerulerluni” nunaqavissunik periarfissat annaaneqartussaapput, Laura Táunâjik siunnersuummi allappoq.

Takornarialerinermik suliaqartut suleqatigineqarluarnissaat kissaatigaa.

Aningaasaliiffigineqartussatut siunnersuutigai:

• Nunaqarfiup saligaatsuulluinnarnissaa tikikkuminartuunissaa
• Takornarialerisut sutigut tamatigut pikkorissarneqarnissaat
• Eqqumiitsuliortut sanaluttartut peqataatilluarneqassapput
• Nunaqarfiup tunniussinnaasai tuniniaanikkut amerlisarneqarluarnissaat
• Avammut nittarsaalluarneqarnissaa sorpassuartigut, il.il.

Takornarialerineq aallaakkaavoq

- Ukiorpaalussuit Kulusuk takornariaqarfiuvoq aalaakkaasumik takornariarneqarluartartoq, pingaartumik aasaanerani takornarissat ulluinnarlutik takornariartartut tikittuartarpaat, qaammat Juni-miit September-ip tungaanut. Ukiuuneranilu qimussimik sisoraraatinilu misigisassarsiorfigineqarluartarluni, Februar-imiit Maji tungaanut. Tamanna annerusumik ullutsinnut naleqquttumik ineriartorteqqinneqarsimanngilaq, soorlu nunaqarfiup eqqiluitsuutinneratigut, nunaqavissunillu angallallisartoqarani, angallassisartut guide-t, outfitter-it,
tammajuitsussarsiaralugu niuertarfik, quppersagaaqqanilu paasissutissartalinnik tunioraavik il.il, kommunalbestyrelsemi ilaasortaq allappoq.