imigassartorneq
Siunnersuut: Imigassanik akikilliisoqartarunnaassaaq
Naalakkersuisut pisiniarfinni aamma imerniartarfinni 'happy hour' akikilliliinerit inerteqqutaalersinniarpaat.
Imimgassamik neqerooruteqarlutik akikilliliisartut siunissaq pikkunartoq ornippaat.
Tamakku immiaaqqanik viinninilluunniit niuertarfinni, nunami barini imerniartarfinnilu akikitsunik ujaasisartut.
Siunissamimi imigassaq akikillisaq Naalakkersuisut inerteqqutaatilerniarpaat.
Tamanna imigassamik tuniniaasarneq pillugu inatsisissatut siunnersuummi eqqumiiginartumi takuneqarsinnaavoq, taanna peqqissutsimut naalakkersuisoqarfimmit tusarniaassutigalugu nassiunneqaqqammerpoq. Inatsisissatut siunnersuummi § 54-imi imatut allassimavoq:
- Imeruersaatinik imigassartalinnik tamanik akikilliliisarnerit tamarmik inerteqqutaapput!
Aamma atuaruk: Demokraatit imigassamik nioqquteqarnerup ammasarneri sivitsortinniarpai
Inatsit pillugu nassuiaammi suliniutit sakkortuut imatut itisilerneqarput:
- Ullumikkut akikillisarpassuaqartarpoq, assersuutigalugu immiaaqqat 20-t niuertarfinni aalajangersimasumik akeqartillugit – imaluunniit sapaatikkut nal. 12.00-imiit imerniartarfinni Happy Hour. Imigassaq akikillisaq pillugu aalajangersagaq nutaajuvoq aammalu atuisartut siunertaminnit annertunerusumik pisinissaannut akornusiissaaq. Aalajangersagaq iluaqutigalugu niuertarfinni imigassaq immmikkut akikillillugu tuniniarneqarnissaa inerteqqutigineqarsinnaavoq.
Imigassanik aalakoornartulinnik ussassaaruteqarneq aamma inertoeqqutaalissaaq, imigassallu kimittuut inini immikkoortuni nioqqutigineqartalissapput - ammasarfiillu killilerneqassapput. Siunnersuut pillugu AG-mi paasisaqarnerugit: