Skip to main content

Siunnersuisoqatigiit: Sulinermut ilanngaat aaqqiissutaagallarnerinnaavoq

Aningaasaqarnermut Siunnersuisoqatigiit sulinermut ilanngaatissap ilusilersugaanera, ukiakkut ataatsimiinnermi Naalakkersuisunit saqqummiunneqartoq pillugu arlalitsigut apeqqusersuipput

Sulineq imminut akilersinnaasariaqarpoq. Oqaatsit taakku tunngavigalugit suliffeqanngitsut sulilernissamut kajumissuseqarnerulersinneqarniarput.

- Suliffeqalernissamut kajumissuseqarnerup annertusarneqarnissaa aamma suliffeqarfiit sulisussarsiortarnerisa pitsanngorsaaffigineqarnissaat annertuumik pisariaqartinneqarput. Sulinermulli ilanngaatissatut siunnersuut saqqummiunneqartoq arlalitsigut ajornartorsiutitaqarpoq, Aningaasaqarnermut Siunnersuisoqatigiit oqaatigaat.

Pilerinarpallaanngitsoq

Ilanngaatitigut iluanaarutissat ukioq ataaseq sulereersimagaanni aatsaat tunniunneqartassappata ilanngaatip pilerinarsinnaanera Siunnersuisoqatigiinnit qularineqarpoq.

- Taamaammat suliffeqanngitsut ataasiakkaat sulilernerminni aningaasat namminneq atorsinnaasatik amerlanerulernerat imaaliinnaq misiginavianngilaat, aamma qularnarpoq, ”siunissami iluanaarutissaq” taama ittoq suliffeqalernissamut kajumminnerulersitsissasoq, Aningaasaqarnermut Siunnersuisoqatigiinnit oqaatigineqarpoq.

Aamma paasisisimavaat, sulinermut ilanngaat imminut akilersinnaanavianngitsoq, Nunattami Karsianit ukiumut 50 millioner koruuninik akilerneqartartussaammat. Aningaasaqarnermut Siunnersuisoqatigiit allapput:

- Aaqqissuussaanermik aaqqissuusseqqinnerit suliffeqarnermut pisortallu aningaasaqarnerannut pitsanngorsaataasariaqarput.

Aaqqiissuteqarallartarnerit pisariaqartinneqanngillat

- Tamanna tunngavigalugu oqartoqartariaqarpoq sulinermut ilanngaatissap ilusilersugaanera akisussaqisoq aamma eqqortumik siunnerfiligaanngisoq, suliffeqareersorpassuimmi aamma sulinermut ilanngaaserneqartussaammata. Aaqqiissuteqarallartarnerit siunertamut naapertuunneq ajorput, akerlianik inuttut atukkat iluaqusersorniarlugit, amerlanerillu imminnut pilersorsinnaanngortinniarlugit ataqatigiissumik aaqqissuusseqqittoqarnissaa pisariaqartinneqarpoq, siunnersuisoqatigiit allapput, aamma pineqartumut taarsiullugu erseqqissaassutigaat, ”inooqatigiinnerup isumannaatsuunissaata ataqatigiinnerusumik aaqqissuuteqqinneqarnissaa pisariaqartinneqartoq”.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER