Skip to main content

Siunnersuisoqatigiit: Naligiissitaaneq suiaassutsimiiginnanngilaq

Naligiissitaanissamut siunnersuisoqatigiit assigiimmik pineqartannginnerup unitsinneqarnissaanut suliniuteqarniarpoq

Suiaassutsit akornanni allatigullu naligiimmik pineqarnissaq sutigut tamatigut ataqatigiipput. Nunarsuaq tamakkerlugu naligiissitaanerup ulluanut atatillugu Naligiissitaanissamut Siunnersuisoqatigiit taama allapput.

- Arnat angutillu peqataatinneqanngitsutut misigititaasut tassaasinnaapput oqaatsit saperamikkit, ilinniagaqannginnamik imaluunniit nunaqarfeeqqani najugaqaramik, taavalu arnat angutillu ileqqorineqartartutut inissisimanerit qaangeruminaatsittaramikkit, Naligiissitaanissamut Siunnersuisoqatigiit oqaaseqaatiminni allapput.

- Ilaatigut tamanna tunngavigalugu assigiimmik naleqassuseqarneq, assigiinngisitaarneq peqataatitsinerlu assigiimmik pinninnissaq taavalu arnat angutillu akornanni assigiisinneqarnissaat anguniarlugu
Naligiissitaanissamut Siunnersuisoqatigiinnit aalajangiunneqarpoq
saqqummiunneqassasut.

Suliniut siunnersuisoqatigiit facebookianni ukiakkut 2018-imi saqqummiunneqarpoq #Naliga atorlugu.

Naligiissitaanissamut Siunnersuisoqatigiit suiaassuseq apeqqutaatinnagu assigiimmik pineqarnissaq anguniarlugu ukiut 20-t sinnerlugit sulereersimapput, naligiissitaanerullu siuarsarnissaa pillugu oqartussanut siunnersuuteqartarsimallutik.

Siunnersuisoqatigiit maanna isumaqarput inatsit sukaterneqartariaqalersoq, sutigulluunniit assigiinngitsumik pinninneq inatsisinik unioqqutitsisunngortinneqarluni.

- Naligiissitaanissamut tunngasoq tamaat isigalugu inatsisitigut arlaatigut amigaateqarpoq.

- Kikkulluunniit ammip qalipaataa, arnaaneq angutaanerlu, qanoq
oqaaseqarneq, upperisaqarneq, politikkikkut allatigulluunniit upperisaqarneq, nalituunik peqarneq, inunngorneq apeqqutaatinnagit naligiimmik qulakkeerlugu pineqartussaapput.

- Taamaattumik pisortat immikkoortuini pisortani assigisaannilu
peqqutissaqanngitsumik assigiinngisitsisarneq inerteqqutaasariaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER