Skip to main content

Siunnersuisoqatigiit: Ikiorsiissutit sukkanerpaamik atorunnaarsinneqarlik

Aningaasaqarnermut Siunnersuisoqatigiit Naalakkersuisunut inassutigaat, suliffeqarfinnut ikiorsiissutit sukkanerpaamik atorunnaarsinneqassasut. Takornariartitsisartulli piffissami sivisunerusumi ikiorserneqarnissaq pisariaqartippaat.

Suliffeqarfinnut ikiorsiissutit coronap ajornartorsiortitsinerata ajornerpaamik kinguneqannginnissaanut pisariaqarlutillu siunertamut naapertuupput.

Ikiorsiissutilli maanna atorunnaarsinneqartariaqarput, Aningaasaqarnermut Siunnersuioqatigiit nunap aningaasaqarnera pillugu nalunaarusiaminni inassutigaat:

- Coronamik ajornartoornerup kingunerisaanik pisumi immikkorluinnaq ittumi taakkua pisariaqarluinnarsimapput.

Piffissami sivisujaami ajornartorsiutaasinnaasut

- Piffissami sivisujaami suliffeqarfinnut aningaasartuutit aalajangersimasut akilernissaannut tapiissuteqartarnerit sulisuminnillu angerlartitsinerinik tapersersuisarnerit ajornartorsiutaasinnaapput. Taamaattumik aaqqissuussinerit sukkanerpaamik atorunnaarsinneqartariaqarput, Aningaasaqarnermut Siunnersuisoqatigiit allapput.

Siunnersuisoqatigiit aappaatigut oqaatigaat, takornariartitsisartut piffissami sivisuumi ajornartorsiuteqassanngikkunik ikiorsiissutinik suli pisariaqartitsisut:

- Suliniut taakku atortussat pisariaqartinneqartut attaveqaatillu attanneqarnissaat qulakkeerniarlugit samma suliniut piffissami aalajangersimasumi ingerlanneqarnissaat qulakkeerniarlugit siunnerfeqartariaqarput.

Suliassat arriitsumik takkukkiartuaassasut

Siunnersuisoqatigiit naapertorlugit, ajornartorsiut maannatut isikkoqartilluni, ukioq manna qaammatit pingasukkaat aappaanni aningaasaqarnermut sunniuteqarnerpaassaaq:

- Akunnittarfiit, neriniartarfiit silaannakkullu angallassisartut suliarisartagarpassuisa ilaat ikileriarujussuarsimapput, ukiullu affaani kingullermi arriitsumik amerliartoqqinnissaat naatsorsuutigineqarluni. Aamma 2021-mi akunnittarfiit takornariartitsisartullu inissaqartitsinissaat naatsorsuutigineqarsinnaavoq, Aningaasaqarnermut Siunnersuisoqatigiit allapput.

Aningaasaqarnermut Naalakkersuisoqarfiup Kalaallit Nunaata aningaasaqarnera pillugu qanittukkut nassuiaasiaani atuarneqarsinnaavoq, ikiorsiissutissanit naatsorsuutigisamit annikinnerusunik tunniussisoqarsimasoq.

Assersuutigalugu maajip qaammataani fir millioner koruunit, aningaasaliissutinit 107 millioner kloruuniusunit aningaasarsiassanut taarsiissutitut tunniunneqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER