siunnersuisoqatigiit
Siunnersuisoqatigiit marluk nutaanik ilaasortassarsiortut
Utoqqaat pillugit Siunnersuisoqatigiinnut aamma Innarluutillit pillugit Siunnersuisoqatigiinnut ilaasortassanik Kommuneqarfik Sermersooq ujartuivoq. Tamanna kommunimut qinersinermut atatillugu pivoq, nutaanik inuttalerneqassammata.
Utoqqaat aamma innarluuteqartut kajumissutsimik akissarsiaqarnani sulissutiginninnissamut innuttaasunik ilaasortassanik innersuussisoqarnissaanut kommunip nittartagaani kajumissaarisoqarpoq.
Politikerit siunnersorneqartassasut
Taakku siunnersuisoqatigiit marluk kommunip taakkununnga suliassaqarfinnut politikkimik ilusilersuinerinut aamma aaqqissuussinernut politikerinik siunnersuisuussapput.
Innarluutillit pillugit Siunnersuisoqatigiinnut ilaasortanngorniaraanni 18-ileereersimanissaq piumasaqaataavoq, Utoqqaat pillugit Siunnersuisoqatigiinnut ilaasortanngussagaanni 65-ileereersimasariaqarpoq.
Utoqqaat pillugit Siunnersuisooqatigiit allatsinnissarlu pillugit paasisaqarnerugit
Inuit innarluutillit pillugit Siunnersuisooqatigiit allatsinnissarlu pillugit paasisaqarnerugit