Skip to main content

Siunnersortit 2019-imi isaatitsilluarsimasut

Siunnersuisarfimmik Visionbox ApS-imik 2017-imi pilersinneqarsimasumik piginnittut pingasut, suliffeqarfimmik imminut akilerluarsinnaasumik aallartitsisimapput

Michael Bintzer, Christian Keldsen aamma Inaluk Malene Brandt 2019-imi 1,9 millioner koruuningajalluinnaat nalingannik aningaasarsillutillu soraarnerussutisiassaminnut katersisimapput. Tamatuma saniatigut suliffeqarfiup iluanaarutaanit taakku tamarmik immikkut 640.000 koruuninik pissarsisimapput, taamaalillutik tamarmik immikkut 2,5 millioner koruunit angullugit isertitaqarsimallutik.

Tamanna ingerlatseqatigiiffiup ukiumoortumik naatsorsuutaani takuneqarsinnaavoq, naatsorsuutit ingerlatseqatigiffik februaarip sisamaani ileqquusumik ataatsimeersuarmat akuerineqarput.

Angusat ikileriarsimasut

Ukiumi angusat 2018-imi 1,4 millioner koruuningajalluinnarniit siorna 412.000 koruuninut ikileriarsimapput, tamatumunngali pissutaasut ilagaat, piginnittut taakku pingasut ukiup siulianut sanilliiullugu namminneq aningaasarsiassaminnik soraarnerussutisiassaminnillu qaffaaniarlutik aalajangersimanerat.

Ukioq tamakkerlugu sinneqartoorutaasut iluanaarutinut nuunniarlugit aalajangersimapput, piginnittut tamarmik immikkut taamaalillutik ataatsimeersuartoqareermat 137.000 koruuninik tunineqarput.

Akileraarutit akilerneqarnissaannik kinguartitsineq

Suliffeqarfinnik siunnersuisartut taakku pingasut aalajangersimapput, akileraarutitigut akiligassap 106.569 koruuninik annertussussusillip akilerneqarnissaa kinguartinniarlugu. Akiligassaq ukiup siuliani 7.387 koruuninik annertussuseqarsimasoq. Peqatigitillugu ingerlatseqatigiiffiup akileraarutitigut akiligassaa 1.717 koruuniniit 49.703 koruuninut qaffassimavoq. Akiligassat taamaalillutik 1.750.308 koruuninik amerlassuseqalerlutik.

Ingerlatseqatigiiffik Kalaallit Nunaanni suliffeqarfinnut ineriartortitsinermut aqutsinermullu tunngatillugit siunnersuisarpoq. Piginnittut ilaat qanittukkut Sermitsiamut imatut oqarpoq:

- Kalaallit Nunaanni najugaqarpugut, taamaammat najukkani pissutsit ilisimalluarpavut – upperaarpullu sivisuumik attaveqaateqarneq iluatsitsinermik nassataqartartoq. Sullitavut aqqusinermi naapikkaagatsigit isaasigut isigisinnaajumallugit suliavut ajunngitsumik naammassisassavavut. Suliassanillu nuannersunik suliakkinneqartarniarutta suliavut tamatigut ajunngitsumik naammassisassavavut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER