Skip to main content

Siunnersortinik atuisarneq Inatsisartuni oqaluuserineqartoq

Naalakkersuisut avataanit siunnersortinik atuisarnerminnut atatillugu aningaasanik qanoq atuisartiginerminnik aqutsinnginnerat pillugu Kukkunersiuinermut Ataatsimiititaliamit isornartorsiorneqarput. Nunatta Karsiata naatsorsuutaasa naammassillugit suliarineqarneranni arlalitsigut isornartorsiuinerit tamanna ilagaat.

Nunatta Karsiata 2019-imut naatsorsuutai marlunngormat Inatsisartuni naammassillugit suliarineqarput, Kukkunersiuinermulli Ataatsimiititaliami ilaasortat arlalitsigut isornartorsiuipput, nipisattassiissutit pillugit suliaq aamma ilanngunneqarpoq.

Tassani ilaatigut Naalakkersuisut aaqqiagiinngissutinut siunnersortinik atuisimanerat pineqarluni.

Sammineqartoq politikkikkut eqqumaffigineqarsimavoq, ilaatigut partiit arlallit siunnersortinik atuisarnermik annikilleeqqusisimallutik.

Kukkunersiuinermut Ataatsimiititaliamit taamaammat ukiuni arlqartuni ujartorneqartarsimavoq, Naalakkersuisut siunersortinik atuisarnertik pillugu naatsorsuusiortarnissaat.

Vittus: Illup iluani sulisut amerlanerusut atorneqartariaqassapput

Namminersorlutik Oqartussat siunnersortinik atuisarneq qanittukkut misissuiffigaat, tassani aamma siunnersortinik atuisarneq isornartorsiorneqarluni, tamannalæi Kukkunersiuinermut Ataatsimiititaliamit naammagineqanngilaq.

Ataatsimiititaliap isumaliutissiissutimini erseqqissaatigaa, siunnersortinik atuisarneq ukiumoortumik naatsorsuinermi ilanngunneqartariaqartoq, aamma Kukkunersiuinermut Ataatsimiititaliamit aningaasaqarnermut naalakkersuisup suliassamik suli isumaginnissimannginnera isornartoqartinneqarpoq.

Aningaasaqarnermut Naalakkersuisup Vittus Qujaukitsup (NQ) erseqqissaatigaa, politikkerit siunnersortinik atuisarnertik annikillisikkusussappassuk, suliassanut illup iluani sulisut amerlanerusut atorneqartariaqassasut:

- Piffissami immikkut ilisimasalinnik sulisussarsiniarnerup annertuumik killeqarnerani tamanna unammillernartussaavoq, Vittus Qujaukitsoq oqarpoq.

Nipisattassiissutit pillugit suliaq suli naammassineqanngitsoq

Kukkunersiuinermut Ataatsimiititaliamit aamma kissaatigineqarpoq, siunnersortinik atuisarnerup pitsaanerusumik naatsorsorneqartarnissaata saniatigut suliaqarfiit ilaat naammassisaqarfiusarnersut misissorneqassassoq, tassa takuniarlugu aningaasanut inatsit aqqutigalugu aningaasaliissutaasartut kissaatigisatut sunniuteqartarnersut.

Aamma Naalakkersuisut Siulittaasuat Kim Kielsen (S) nipisattassiissutit qaffanneqarneranni suliamut attuumassuteqarpallaarsimanersoq pillugu suliaq - nipisattassiissutit pillugi suliamik taaneqartartoq oqaluuserineqarpoq.

Demokraatinnersup Marlene V. Rasmussenip oqaluttuaraa, suliaq suli ataatsimiititaliamit suliarineqartoq:

- Suliaq suli naammassineqanngilaq, suliallu iternga tikillugu suliaralugu naammassinissaa qilanaaraarput, Malene V. Rasmussen oqarpoq.

Politkkerit tamakkua saniatigut Namminersorlutik Oqartussani aningaasaqarnermik aqutsissutissap nutaap, naatsorsuutinut pitsanngorsaataasussap atuutsinneqalernissaa malinnaaffigilluaqqinaarpaat.

Vittus Qujaukitsoq tassunga atatillugu ilisimatitsivoq, politikkerit naammagittartariaqartut, Namminersorlutik Oqartussani suleriaatsip annertuumik allanngortinneqarnissaa matumani pineqarmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER