Future Greenland 2015
Siunissaq oqaluuserineqassaaq
Kalaallit Nunaannit, Danmarkimit, Islandimit Canadamillu inuussutissarsiortut nuimasuut sapaatip akunnerani tullermi Future Greenland-imi ataatsimeersuassapput. Siuariartornissamut atugarissaarnissamullu saqqummiussissapput - Kalaallit Nunaata ineriartornissaanik takorluukkaminnik
Sapaatip akunnerani tullermi Nuummi ataatsimeersuartoqassaaq. Future Greenlandimi ataatsimeersuarnissami, ulluni marlunni ingerlanneqartussami, naatsorsuutigineqarpoq untritillit arlallit peqataassasut, tassanilu inuussutissarsiortut nuimasuut kalaallit, qallunaat nunallu allamiut saqqummiussissapput, kiisalu arlalinnik workshop-ertitsisoqartassalluni. Ataatsimeersuarnermi aamma peqataassapput Naalakkersuisut siulittaasuat Kim Kielsen aamma nunanut allanut tunngasunut inuussutissarsiornermullu naalakkersuisoq Vittus Qujaukitsoq.
Sulisitsisut Peqatigiiffiat sisamassaa Future Greenlandimik aaqqissuussivoq. Aaqqissuussakkut Kalaallit Nunaata anguniagassaanut ingerlaffissaanullu inuussutissarsiortut takorluugaat, tunniusimanerat inuiaqatigiinnilu akisussaassuseqarneq takutinniarneqartarput.
Future Greenlandimi ataatsimeersuarnermi siunertaavoq Kalaallit Nunaata ineriartorneranik oqallinnerup ataatsimut paaseqatigiinnermik tunngaveqassasoq, aammalu inuussutissarsiortut ingerlalluanngippata, ingerlatsiviit namminersortut amerlanerunngippata avammullu tunisat amerlanerulinngippata aningaasaqarnikkut siuariartorneq pilersinneqarsinnaanngitsoq.
– Ingerlatsivimmik ingerlatsinissaq pilerinartunngortillugu politikerit arlalinnik aaqqissuusseqqinngippata siuartortoqarnavianngilaq. Taava innuttaasut inuiaqatigiinnut pigissaartunut piumasaqaaterpassuinut amerligaluttuinnartunut akissaarutissaagut, Kalaallillu Nunaata politikkikkut kiffaanngissuseqassusia killilerneqassaaq, tassa aningaasatigut inutsigullu pisuussutissat amigaatigineqalissammata, Sulisitsisut Peqatigiiffianni pisortaq Brian Buus Pedersen oqarpoq.
AG-mi sapaatip akunnerani uani ataatsimeersuarnermi samminninneeqqamik ilaqarpoq Ilaatigut oqalugiartut assigiinngitsut pillugit atuarsinnaavutit. Aviisi ataani e-avisitut pisiarisinnaavat. Marlussunnik toorsiinnassaatit.