Siumut: Maanna aningaasat ingerlaarnerisa misissuiffigineqarnera suliarineqartariaqarpoq
Misissueqqissaarnerup sivisuumik utaqqineqartup maanna aningaasanut inatsimmut ilanngunneqarnissaa, Hermann Berthelsenip piumasaraa
Aningaasat ingerlaarnerisa misissuiffigineqarnissaannik piumasaqaat qineqqusaarnerni arlalinni qularnanngitsumik qineqqusaarutigineqarsimavoq.
Kisianni oqaluttuareriikkatsitut, ulluinnarni politikkikkut ingerlanermi misissueqqissaarnerup naammasiniarneqarnissaa ajornakusoortinneqartarpoq. Naak taanna aamma naalakkersuisoqatigiinnissamut isumaqatigiissutini tulleriinni allaqqasaraluartoq. Kisianni maanna naammassineqartariaqarpoq, aningaasanut inatsisissaq pillugu oqallinnermi Hermann Berthelsen taama piumasaqarpoq.
- Taamatuttaaq pingaarluinnartutut isigaarput, Dunatta Danmarkillu akornanni aningaasat ingerlaarnerat pillugu Inatsisartut Naalakkersuisunut suliakkiutigisimasaat naammassineqartariaqartoq aammalu inatsisartunut agguaanneqartariaqartoq, taanna oqarpoq.
- Tassami qulaajarneqartariaqarpoq ingerlatseqatigiiffittut iluanaarutinik erngertumik aningaasanik annissuisoqarsinnaanerut unitsivinnissamut suut aaqqiissutaasinnaanersut ersarissumik killilerneqarninnissaanut sinaakkusiornissamut inatsisartut toqqammavissaqaqqullugit.