Siumut: Jens Napaattooq Inatsisartuni ilaasortaanissaminut naleqqutinngilaq
Meeqqap illersorneqarnissaa pillugu Siumup Jens Napaattooq politiinut nalunaarutigaa, taassuma saniatigut Inatsisartuni ataatsimiititaliat pissaaneqarnerpaat marluk marloriarlutik inuttalersugaasariaqarnikuullutik.
Siumup Jens Napaattooq politiinut nalunaarutigaa.
Inuttalersueqqittariaqarneq pisariaqalersinneqarpoq Inatsisartunut ilaasortaq Jens Napaattooq (N) ingerlaannaq atuutilersumik napparsimaneq pissutigalugu sulinngiffeqarnissaminik qinnuteqaateqarnerata kingunerisaanik, meeqqamik isigititsillutik persuttaassimanertut isikkulimmik pissusilersorfiusumillu ilaqutariit katsorsarneqartariaqalernerannik kinguneqarmat, tamanna pivoq Inatsisartuni inissitititerluni ataatsimeereernerup unnuaani, aviisi Sermitsiaq taama allappoq.
Pisoq aappariit Napaattuukkormiut inuit attaveqaqatigiittarfiini tamanut takussutissiarissallugu toqqarsimavaat, tamatumalu malitsigisaanik narsarsuarmi ivigalimmi ikuallannertut sukkatigisumik takussutissiarineqartut inuit akornanni ingerlaartinneqarlutik.
Pisoq takusimatsiaannarlugu ingerlaannaq partii Siumut kalerrisaarivoq ataatsimiititaliallu 27. aprilimi inissititernerannut atatillugu piumasaqarluni, Napaattooq ataatsimiititaliani taakkunani marlunni, Aningaasaqarnermut Akileraartarnermullu ataatsimiititaliami aammalu Aalisarnermut, Piniarnermut Nunalerinermullu ataatsimiititaliami siulittaasutut ivertinneqassanngitsoq, kiisalu partiip apeqquserpaa Napaattooq Inatsisartuni ilaasortaanissaminut ilumut naleqqunnersoq nalilersorneqarniassammat ataatsimiinneq unitsikkallarneqassasoq.
Aviisimi Sermitsiami atuarnerusinnaavutit: