Skip to main content

Siumut: Inniminniilliortarnerit akuersaanngilavut

Arnat qulit allaaserisimavaat, Siumut allaffianni kinguaassiuutitigut ersiinnartumik inniminniilliortarnerup ileqquunera. Aqutsisut maanna taamatut pissusilersortarnermik akuersaannginnertik oqaatigaat

Nal. 10.30 iluarsisaq. Immikkoortut sisamaanni Evelyn Frederiksen issuarneqarsimasutut allassimasoq kukkusuuvoq

Soorlu Srmitsiaq.AG-mit uppernarsarneqartoq, arnat qulit Siumumi allatsip Mikael Petersenip kinguaassiuutitigut inniminniilliorfigisimagaatsik oqaluttuaraat. Allakkat taakku tunngaviupput, Mikael Petersenip sapaatip akunnerani kingullermi suliunnaarsinneqarneranut.

Siumumi aqutsisut oqaatigaat, inunnut tunngatillugit suliat oqaaseqarfigisarnagat.

- Siumumi siulersuisut saaffiginnissutit akuersaarsinnaanngisavut akuersaarusunngisavullu qisuariarfigaat. Siumut inunnut tunngatillugit suliat tusagassiorfinnut oqaaseqarfiginngisaannarpavut, partiimi aaqqissuussaassutsikkut siulittaasup tullia Evelyn Frederiksen tusagassiorfinnut nalunaaruteqarnermi oqarpoq.

Arnat taakku qulit allagaanni takuneqarsinnaavoq, inniminniilliornerit allat isigisut, ilaatigullu oqaaseqartarlutik illartarlutilluunniit ilannguttarlutik, akulikitsumik pisartoq.

- Naggasiullugu oqarusuppunga, Siumumi inniminniilliornerit qanorluunniit ikkaluartut akuersaannginnatsigit, Evelyn Frederiksen oqarpoq.

Siulersuisut uppernarsarpaat, Mikael Petersen atorfimminit soraarsimasoq, partiimullu atassuteqarunnaartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER