Skip to main content

Siumut Uummannaq: Illorsuit ammaqqinneqarnissaannut suliaq tapersersussavarput

Siumumi immikkoortortaqarfik nalinginnaasumik ataatsimeersuaqqammerpoq. Siulersuisut suleqatigiiffik Illorsuit nunaqarfiup ammaqqinnissaannut suliniuteqartoq tapersersorniarpaa.

Siumut Uummannami siulersuisut nutaat nunaqarfik Illorsuit, ukiut pingasut matuma siorna matuneqartup, ammarneqarnissaanut suliniaqatigiiffik sulissuteqartoq tapersersorusuppaa.

- Suliniaqatigiiffik Illorsuit tapersersorusupparput. Illorsuit eqqaanni aalisartoqarfissuuvoq, tunitsivilli ungasippallaarujussuarluni. Aamma inoqatigut ilungersortut isiginnaaginnarsinnaanngilagut, Johannes Mathiassen, Siumut Uummannami siulersuisuni siulittaasunngortoq oqarpoq.

Illorsuilli ammaqqinneqarnissaannut tunngaveqartoqartariaqassaaq:

- Misissuinerit nutaat takutittariaqarpaat Illorsuit ulorianartorsiorfiunngitsoq, taava ammaqqinnissaanut suleqataalissaagut, Johannes Mathiassen oqarpoq ilisimatitsillunilu misissuisoqarnissamut Naalakkersuisunut piumasaqarnissaq sulissutigineqartoq.

Tassaarsuaqartoqareernerani nunaqarfik matusoq

Nunaqarfiit marluk, Nuugaatsiaq Illorsuillu junip 17-ani 2017-imi tassaarsuarmit eqqorneqarput. Karrani nuna nakkaarujussuarpoq tassaarsuaqartitsillunilu. Nuugaatsiaq eqqorneqarnerpaavoq, tassanimi illut arlallit imaanit nusunneqarput inuillu sisamat ajunaarlutik.

Nunaqarfinni najugaqartut qimagussuutitinneqarput, kingornali angerlartitaaqqissimanatik.

Siulersuisuni ilaasortanngortut ukuupput:

  • Siulittaasoq: Johannes Mathiassen
  • Siulittaasup tullia: Inuutersuaq-Ulloriaq Løvstrøm
  • Aningaaserisoq: Ane Marie M. Andersen
  • Siul. ilaasortaq: Sakio Fleischer
  • Siul. ilaasortaq: Jens Mikaelsen
  • Siul. ilaasortaq: Elisabeth Nielsen
  • Sinniisoq: Pavia Nielsen
  • Sinniisoq: Gert Fleischer
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER