killiligaanani oqaaseqarsinnaaneq

Siumut: Tusagassiorfiit nuannarinngilaatigut

Siumup tusagassiorfiit unnerluuppai partiimik akornusersuinerarlugit killiligaananilu oqaaseqarsinnaanermik killilersuinerarlugit

Siumup nalunaajaataanik tusagassiorfiit saqqummiussisarnerat Jens Immanuelsenip iluarinngilaa

Tusagassiorfiit illua'tungiliuttut pingaartinneruvaat naalakkersuisoqatigiillu Siumumit aqunneqartut akornusersorlugit.

Siumut ukiortaami oqaaseqaammini taamatu inerniliivoq.

Unammillernartoq

– Ukiumi qaangiuttumi nalunaajaatinik saqqummiussinissaq Siumumut unammillernartuusimavoq, ilaatigut pissutigalugu tusagassiorfiit tamatuminnga naalleeqataasarsimammata killiligaanngitsumillu oqaaseqarsinnaatitaanermut killilersorlugu, ilaatigullu marlunnarluinnarsimalluni illua'tungiliuttut nalunaajaatiminnik killeqanngiusartumik saqqummiussisinnaasimallutik. Isumaqarpugut tamanna tusagassiorfiit iluarsisariaqaraat, tassa oqartussaaqataanermi malittarisassat kikkunnut tamanut atuummata, amigaatigineqarsinnaavorlu tusagassiortut tusagassiorfiillu tamatuminnga ataqqinninnissaat, Siumup gruppiani siulittaasoq Jens Immanuelsen ukiortaami oqaaseqaatikkut allapoq.

Pimoorussamik paasissutissiineq

– Pimoorussamik paasissutissiineq Siumup pingaartippaa, taamaattumik pingaaruteqarpoq tusagassiorfiit aamma ikiuunnissaat, suleqatigiinneq pitsaanerusoq ingerlassinnaaniassagatsigu, gruppip siulittaasua allappoq.

Powered by Labrador CMS