Skip to main content

Siumut tatiginninnginnermik taasititsisoqassappat pinngitsoortitsiniarnissamut piarersimasoq

Siumut siulersuisuunerisa Inatsisartunilu qinigaatitaasa ukiuunerani ataatsimmiinnissaq ullormik ataatsimik sioqqullugu partiit illuatungiliuttut isornartorsiorpaat. Qinersisoqarnissaa kissaatiginannginnerarlugu.

Erik Jensenip Hermann Berthelsenillu siulersuisuunerit partillu Inatsisartuni ilaasortaatiai sinnerlugit tusagassiorfinnut nalunaaruteqarnermi nalunaarutigaat, siulittaasumut Erik Jensenimut tapersersuillutik.  

Ataatsimut nalunaarummi partiip nassuerutigaa ”iluminni ajornartorsiuteqarlutik”, erseqqissaatigaluguli ”partiip ataatsip iluani ajornartorsiutit kisiisa tunngavigalugit ikerinnakkut qinersititsinissaq orniginartinnagu”.

Inuiaqatigiinnut akisussaaffeqarneq

- Nunatsinni partiini anginerpaatut, pisussaaffeqartutut inuiaqatigiinnilu akisussaaffimmik tigusilluta, partiit allat Siumumit suleqatiseralugit oqaloqatigisimavagut, partiilli maanna inatsisartuutitaqartut amerlanerussuteqarluartut qinersinissaq orniginartinneruaat, Erik Jensen Hermann Berthelsenilu allapput.

Siulittaasut taakku marluullutik apeqquserpaat, illuatungiliuttut oqaasiat ”Siumut kisimi suleqatigiissinnaannginnermut pisuusoq” ilumoornersoq.

- Tamanna ilumoorpat, taava sooq partiit allat amerlanerussuteqarluarlutik iluminni isumaqatigiillutik, Inatsisartuni ilaasortat akornanni 31-usuni 21-iullutik Naalakkersuisooqatigiiliorsinnaanertik ingerlatiinnanngilaat qinersiviup sinnerani, partiimi siulittaasoq Siumullu Inatsisartuni ilaasortaatitaanut siulittaasoq aperipput.

Pinngitsoortitsinissamut siunnersuuteqarniartut

Erseqqissaassutigineqarpoq Siumut ”tatiginninnginnermik taasititsisoqassappat” pinngitsoortitsinissamik siunnersuuteqarniartoq. Partiimi isumaqarpoq, suliat politikkikkut ingerlanneqartut ”ikerinnakkut unitsinnagit ingerlatiinnarneqartariaqartut”.

- Qinersinissaq Siumumi orniginartinngikaluarlugu oqassaagut qulannginnatta, Erik Jensen Hermann Berthelsenilu qinersisoqassappat inernerujumaartut pillugit itisiliinngikkaluarlutik erseqqissaapput.

Siumup siulittaasorisimasaa, Naalakkersuisuni siulittaasuusoq Kim Kielsen tusagassiorfinnut nalunaaruteqarnermi oqaaseqarfigineqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER